بايقاۋدا «ۇزدىك الەۋمەتتىك جاۋاپتى كاسىپورىن» اتالىمىندا ءىرى كاسىپكەرلىك سۋبەكتىلەرى اراسىندا ءبىرىنشى ورىندى «ۆارۆارينسكوە» اق (قوستاناي وبلىسى) يەلەندى.
«ەڭبەكتى قورعاۋ سالاسىنداعى ۇزدىك كاسىپورىن» اتالىمىندا ءىرى كاسىپكەرلىك سۋبەكتىلەرى ىشىندە التىن ءمۇسىن ماراپاتى «ازيا اۆتو» ا ق- عا (ش ق و) تاپسىرىلدى.
سونىمەن قاتار «ەكولوگياعا قوسقان ۇلەسى ءۇشىن» اتالىمىندا ۇكىمەت باسشىسى ءبىرىنشى ورىندى «سوكولوۆ- سارىباي كەن- بايىتۋ وندىرىستىك بىرلەستىگى» ا ق- عا تابىس ەتتى.
وسىمەن جەتىنشى مارتە وتكىزىلىپ وتىرعان بايقاۋعا قاتىسۋعا نيەتتى جەكە كاسىپكەرلىك سۋبەكتىلەر سانىنىڭ ارتۋى بايقالۋدا. ق ر پرەزيدەنتىنىڭ جارلىعىمەن جاريالانعان «پارىز» بيزنەستىڭ الەۋمەتتىك جاۋاپكەرشىلىگى بايقاۋىنا بيىل قاتىسۋعا بارلىق وڭىرلەردەن 584 ءوتىنىم بەرىلگەن.
كونكۋرس وتكىزىلە باستاعاننان بەرى 2,5 مىڭ شاعىن، ورتا جانە ءىرى كاسىپورىندار قاتىستى. اعىمداعى جىلى بايقاۋعا قاتىسۋعا بەرىلگەن وتىنىمدەر سانى بويىنشا قوستاناي وبلىسى كوش باستاپ تۇر.
اۆتور: رۋسلان عابباسوۆ