قىتايدا مەيرامبەك بەسبايەۆتىڭ «سىڭارى» تۇرادى
داۋىسى دا، ءتۇر-سيپاتى دا مەيرامبەك بەسبايەۆتان اۋمايتىن ءانشىنىڭ اتى-ءجونى - باقىتكەلدى ماقاش ۇلى. ول 1987 -جىلى شىنجاڭداعى ىلە قازاق اۆتونوميالىق وبلىسىنىڭ شاپشال-سىبە اۋدانىندا دۇنيەگە كەلگەن.
قازىرگى ۋاقىتتا قىتايدىڭ ءۇرىمجى قالاسىندا تۇرادى. ماقاش ۇلى 2008 - جىلى قاينار ءبازىلجان ۇلى، سانات تۇرسىنباقىت ۇلى دەگەن ونەرپازدارمەن بىرلەسىپ، «گاككۋ» اتتى توپ قۇرادى، ەكى البومدى جارىققا شىعارادى («جاڭاارقا»، «باسقا جىل»). الايدا بۇل توپ قاينار ەسىمدى ءانشىسىنىڭ قازاقستانعا كوشۋىنە بايلانىستى تاراپ كەتىپتى.
باقىتكەلدى ماقاش ۇلىمەن «گاككۋ» اتتى توپتا بىرگە ونەر كورسەتكەن ءانشى قاينار ءبازىلجان ۇلى Tengrinews.kz تىلشىسىنە مەيرامبەك بەسبايەۆتىڭ جاس «سىڭارى» تۋرالى ايتىپ بەردى. ونىڭ سوزىنە قاراعاندا، باقىتكەلدى مەيرامبەككە بالا كەزىنەن ەلىكتەگەن. «باقىتكەلدىنىڭ داۋىسى شىن مانىندە مەيرامبەك اعامىزدىڭ داۋىسىنا ۇقسايدى. ءوزى دومبىرا دا شەرتەدى. ءجۇرىس-تۇرىسى، قيمىلىن ساحنادان كورگەندەر بەسبايەۆ ەكەن دەپ قالاتىنىن ىلعي ايتىپ جۇرەدى»، - دەدى ول.
ايتا كەتەيىك، باقىتكەلدىنىڭ ارنايى مۋزىكالىق ءبىلىمى جوق. قازىر ول «دوس» دەپ اتالاتىن توپتا ءانشى ءجانات نۇرسۇلتان ەسىمدى جىگىتپەن بىرگە ءان ورىندايدى. الەۋمەتتىك جەلىدەگى فوتوسۋرەتتەرىنە قاراعاندا، باقىتكەلدى ءوزىنىڭ سۇيىكتى انشىسىمەن ومىردە جۇزبە-ءجۇز كەزدەسكەن.