مەملەكەت باسشىسى قازاقستاندى جاڭاشا يندۋستريالاندىرۋ جالپى ۇلتتىق تەلەكوپىرىنە قاتىسادى
استانا. قازاقپارات - 25 - جەلتوقساندا مەملەكەت باسشىسى «قازاقستاندى جاڭاشا يندۋستريالاندىرۋ: 2014 - جىلدىڭ جانە ءبىرىنشى بەسجىلدىقتىڭ قورىتىندىلارى» اتتى جالپى ۇلتتىق تەلەكوپىر شاراسىنا جانە «التىن ساپا» سىيلىعىنىڭ لاۋرەاتتارىن سالتاناتتى ماراپاتتاۋ راسىمىنە قاتىسپاق.
سونىمەن قاتار بۇگىن باعدارلامىنىڭ ەكىنشى بەسجىلدىعى باستاۋ الادى دەپ كۇتىلۋدە.
ۇدەمەلى يندۋستريالىق-يننوۆاسيالىق دامۋ مەملەكەتتىك باعدارلاماسى قازاقستاننىڭ ونەركاسىپتىك ەكونوميكاسىن وزگەرتۋگە نەگىزدەلىپ، سالاعا جاڭا سەرپىن بەرۋگە ارنالعان. يندۋستريالاندىرۋدىڭ العاشقى بەسجىلدىعى اياسىندا ەلىمىزدە جۇزدەگەن ونەركاسىپتەر سالىنىپ، بۇرىن-سوڭدى شىعارىلماعان جاڭا ءونىم وندىرىلە باستادى، جاڭا جۇمىس ورىندارى قۇرىلدى.
جاقىندا ق ر پرەزيدەنتى نۇرسۇلتان نازاربايەۆ ءبىرقاتار قازاقستاندىق ب ا ق وكىلدەرىمەن سۇحباتى بارىسىندا ەكىنشى بەسجىلدىق يننوۆاسياعا كوبىرەك باعىتتالعانىن اتاپ ءوتتى. وسى ورايدا كاسىپورىنداردىڭ ءتىپتى جاڭا ۇلگىلەرىن ىسكە قوسۋ جوسپارلانىپ وتىر. قازىر الەمنىڭ 100 ءىرى كومپانياسى وسى باعدارلاما اياسىندا قازاقستانعا قاراجات قۇيۋعا دايىن كورىنەدى.
ق ر ينۆەستيسيالار جانە دامۋ مينيسترلىگىنىڭ مالىمەتىنە قاراعاندا، بيىل مەملەكەت باسشىسى تاعايىنداعان «التىن ساپا» سىيلىعىن الۋعا قاتىسۋ ءۇشىن 293 ءوتىنىم تۇسكەن، ونىڭ 127 سى ورتا بيزنەس وكىلدەرىنەن، 101 ى شاعىن كاسىپكەرلەردەن، ال 65 ى ءىرى بيزنەس وكىلدەرىنەن كەلدى.
2014 - جىلى ەلباسىنىڭ جارلىعى بويىنشا كونكۋرسقا جەكە كاسىپكەرلەر دە قاتىسا الاتىن بولعان. سوندىقتان كونكۋرستىڭ ءۇش اتالىمى بويىنشا ءتۇرلى ساناتتارعا ءۇش-ۇشتەن سىيلىق تاعايىندالعان. ەندى لاۋرەاتتار وزدەرى ۇتىپ العان ەمبلەمانى 4 جىل بويى جەكە جارنامالارىنا پايدالانا الادى.
ايتا كەتەيىك، يندۋستريالاندىرۋ كۇنى اياسىندا «پارىز» بيزنەستىڭ الەۋمەتتىك جاۋاپكەرشىلىگى رەسپۋبليكالىق بايقاۋىنىڭ جەڭىمپازدارىن ماراپاتتاۋ ءراسىمى وتەدى. بايقاۋدا «ۇزدىك الەۋمەتتىك جاۋاپتى كاسىپورىن»، «ەڭبەكتى قورعاۋ سالاسىنداعى ۇزدىك كاسىپورىن»، «ۇزدىك ۇجىمدىق شارت»، «ەكولوگيياعا قوسقان ۇلەسى ءۇشىن» اتالىمدارى قامتىلىپ وتىر.
وسىمەن جەتىنشى مارتە وتكىزىلىپ وتىرعان بايقاۋعا قاتىسۋعا نيەتتى جەكە كاسىپكەرلىك سۋبەكتىلەر سانىنىڭ ارتۋى بايقالۋدا.
ق ر پرەزيدەنتىنىڭ جارلىعىمەن جاريالانعان «پارىز» بيزنەستىڭ الەۋمەتتىك جاۋاپكەرشىلىگى بايقاۋىنا بيىل قاتىسۋعا بارلىق وڭىرلەردەن 584 ءوتىنىم بەرىلگەن. كونكۋرس وتكىزىلە باستاعاننان بەرى 2،5 مىڭ شاعىن، ورتا جانە ءىرى كاسىپورىندار قاتىستى. اعىمداعى جىلى بايقاۋعا قاتىسۋعا بەرىلگەن وتىنىمدەر سانى بويىنشا قوستاناي وبلىسى كوش باستاپ تۇر.
اۆتور: رۋسلان عابباس