قىرعىز ەلىنىڭ بۇرىنعى پرەزيدەنتىن نەمىس عالىمدارى نوبەل سىيلىعىنا ۇسىندى
ول كليماتتىڭ وزگەرۋى جايىندا تاياۋدا عانا اتاقتى پوتسدام ينستيتۋتىندا بايانداما جاساعان بولاتىن، - دەيدى رەسەيلىك عالىم، فيزيكا-ماتەماتيكا عىلىمدارىنىڭ كانديداتى كونستانتين كوروۆين.
الەمدىك كليماتتى زەرتتەۋشى جەتەكشى عالىمداردىڭ ءبىرى، وسى سالا بويىنشا گەرمانيا كانتسلەرىنىڭ عىلىمي كەڭەسشىسى، پروفەسسور يواحيم شەلنحۋبەر اسقار اقايەۆتىڭ «جەر كليماتىن تۇراقتاندىرۋ» تاقىرىبىنداعى ەڭبەرىن ەرەكشە جوعارى باعالاپ، ونى كەلەر جىلى ءوز ەلىندە ءدارىس وقۋعا شاقىرعان.
«قازىردىڭ وزىندە الەمدە كەڭىنەن تانىمال بولعان اكادەميكتىڭ ەڭبەگى نيۋ-يوركتە جارىق كورىپ، وكسفوردتىڭ ءىرى كليماتتىق پروبلەمالارى بويىنشا ەڭ بەدەلدى وقۋلىعىنا ەنگىزىلگەن. اقايەۆ ەڭبەگىنىڭ باستى ەرەكشەلىگى، ول الەمدىك ەكونوميكالىق ءوسۋ الەۋەتىن ازايتۋدى عانا ەمەس، ەنەرگيالىق دامۋ ستراتەگياسىن دا ناقتى كورسەتەدى»، - دەيدى كوروۆين.
ونىڭ ايتۋىنشا، قازىر امەريكا قۇراما شتاتتارىندا جۇمىس ىستەيتىن كورنەكتى نەمىس ماتەماتيگى جانە ەكونوميست، پروفەسسور گەرحارد مەنش اسقار اقايەۆتىڭ تەوريالىق جەتىستىكتەرى مەن ماتەماتيكالىق مودەلدەرىنىڭ باستاۋى شۋمپەتەر-كوندراتيەۆ يننوۆاتسيالىق تەورياسىنىڭ ىرگەتاسىنان الاتىندىعىن ايتادى.
ال عالىمنىڭ قارجى داعدارىسى مەن ەكونوميكالىق قۇلدىراۋدى الدىن الا بولجاۋ مۇمكىندىگىنىڭ عىلىمي نەگىزدەمەلەرى جانە ەكونوميكالىق ءوسۋ مەن سيكلدىق تەربەلىستىڭ ءتيىمدى سىزىقتىق ماتەماتيكالىق مودەلدەرىن قۇرۋ جولىنداعى جۇمىسى نەمىس عالىمدارىنىڭ جوعارى باعاسىنا يە بولعان.
سوندىقتان دا نەمىس عالىمدارى اسقار اقايەۆتى ەكونوميكا سالاسى بويىنشا نوبەل سىيلىعىن الۋعا لايىق تۇلعا دەپ سانايدى ەكەن.
BAQ. KZ