الماتىدا «قازاق سوتى - ءۇش ءبيدىڭ مۇراگەرى» تاقىرىبىندا بايقاۋ ءوتتى
بايقاۋدىڭ ماقساتى - ءبي- شەشەندەرىڭ ۇلاعaتتى سوزدەرىن، تاپقىرلىقپەن شەشكەن كەسىمدەرىن قازىرگى سۋديالار قاۋىمىنا ناسيحاتتاۋ.
بايقاۋدىڭ كىرىسپە سوزىندە الماتى قالالىق سوتىنىڭ كەڭسە باسشىسى ب. اسانبەكوۆ قازاق سوت تورەلىگى جۇيەسىنىڭ نەگىزىن قالاپ، حالقىمىز ءۇشىن ۇلى ماقتانىشقا اينالعان تولە ءبي، قازىبەك ءبي، ايتەكە ءبي سىندى بابالارىمىزدىڭ ءومىر جولىنان سىر شەرتىپ، قاتىسۋشىلارعا ساتتىلىك تىلەدى. بايقاۋعا قاتىسۋشىلار تانىستىرۋ، بيلەردىڭ شەشەندىك سوزدەرىن وقۋ، تەرمە ورىنداۋ سىندى بىرنەشە كەزەڭ بويىنشا سايىسقا ءتۇستى. شارا وتە قىزىقتى ءوتتى. سوت قىزمەتكەرلەرى ءوز ونەرلەرىن ورتاعا سالىپ، ءبي- شەشەندەردىڭ تولعاۋلارىن ناقىشىنا كەلتىرىپ ورىنداپ، كوپشىلىكتى ءتانتى ەتتى.
بايقاۋ قورىتىندىسى بويىنشا ءبىرىنشى ورىندى - مەدەۋ اۋداندىق سوتى، ەكىنشى ورىندى - المالى اۋداندىق سوتى، ال ءۇشىنشى ورىندى - بوستاندىق اۋداندىق سوتى يەلەندى. ۇزدىكتەر ديپلومدارمەن جانە ەستەلىك سىيلىقتارمەن ماراپاتتالدى.
«انا ءتىلى»