ماسكەۋدە ۇ ق ش ۇ-عا مۇشە مەملەكەتتەردىڭ باسشىلارى ۇجىمدىق قاۋىپسىزدىك كەڭەسى سەسسياسىندا مالىمدەمەگە قول قويدى
مالىمدەمەگە سايكەس ۇ ق ش ۇ-عا مۇشە مەملەكەتتەر باسشىلارى سوڭعى كەزدەرى ورىن العان وقيعالاردى ەسكەرىپ، جان- جاقتى ءقاۋىپتىڭ ءوسۋ ءۇردىسىن راستادى.
قۇجاتتا قازىرگى ۋاقىتتا ۇجىمدىق قاۋىپسىزدىك جۇيەسىن قۇرۋ ادىلدىك پەن تەڭ قۇقىققا نەگىزدەلگەن جۇيە نەگىزىندە عانا مۇمكىن ەكەنى اتاپ وتىلگەن. سەبەبى جەكە مەملەكەت تە، ءتىپتى ەلدەر بىرلەستىگى دە بۇل مىندەتتى ورىنداي المايدى.
سىن-قاتەرلەر مەن قاۋىپتەرگە قارسى تۇرۋ ءۇشىن قاۋىپسىزدىك حالىقارالىق ىنتىماقتاستىقتى نىعايتىپ، سىندارلى ىمىراعا نەگىزدەلۋى قاجەت.
بۇل رەتتە، كوپ جوسپارلى قاۋىپ-قاتەرلەر رەتىندە لاڭكەستىك قاۋپى، مەملەكەتتەردىڭ ىشكى ىستەرىنە ارالاسۋ، سونداي- اق مەملەكەتتىك تۇراقتىلىقتى جويۋ ماقساتىندا اقپاراتتىق جانە كوممۋنيكاتسيالىق تەحنولوگيالاردى قولدانۋ، ەسىرتكى مەن قارۋ-جاراقتىڭ اينالىمى، زاڭسىز كوشى- قوندى اتاپ وتۋگە بولادى.
بۇدان بولەك، تاۋلى قاراباح پەن ۋكرايناداعى ايماقتىق شيەلەنىستەردى شەشۋ، يادرولىق قارۋدى تاراتپاۋ تۋرالى شارتتى ساقتاۋ، حيميالىق قارۋدى جويۋ قاجەتتىلىگى اتاپ وتىلۋدە.
وسى اتالعانداردى ەسەپكە الا وتىرىپ، مالىمدەمەدە ۇجىمدىق قاۋىپسىزدىك جۇيەسى كۇشتەرى مەن قۇرالدارىن ودان ءارى جەتىلدىرۋ كەرەكتىگى ەسكەرتىلەدى.
قازىرگى زامانعى سىن-قاتەرلەرگە توتەپ بەرۋ ماسەلەلەرى بويىنشا ب ۇ ۇ، ە ق ى ۇ، ش ى ۇ، باسقا دا حالىقارالىق جانە وڭىرلىك ۇيىمدارمەن ىنتىماقتاستىقتى كەڭەيتۋگە دايىندىق قۋاتتالىپ وتىر.
مالىمدەمە مازمۇنىندا ۇيىمنىڭ ۇجىمدىق قاۋىپسىزدىك جۇيەسىن ودان ءارى نىعايتۋعا، جاۋاپكەرشىلىگى ايماعىندا تۇراقتىلىقتى، وعان مۇشە ەلدەردىڭ قاۋىپسىزدىگىن، تاۋەلسىزدىگىن، تەرريتوريالىق تۇتاستىعىن جانە ەگەمەندىگىن قامتاماسىز ەتەتىن ماڭىزدى قۇرال رەتىندە قاراستىرۋعا دەگەن ۇ ق ش ۇ-نا مۇشە-مەملەكەتتەردىڭ نيەتى كورىنىس تاپقان.