قىتايدىڭ اتاقتى اكتەرى شىڭ لۇڭنىڭ ۇلىنا قاتىستى پروكۋراتۋرانىڭ ايىپتاۋ قورىتىندىسى شىقتى

بەيجىڭ. قازاقپارات - بەيجىڭ قالاسىنىڭ دۋنچەن اۋداندىق پروكۋراتۋراسى گولليۆۋد جانە قىتايدىڭ اتاقتى اكتەرى دجەكي چاننىڭ (شىڭ لۇڭنىڭ - رەد.) ۇلىنا قاتىستى ايىپتاۋ قورىتىندىسىن شىعاردى، دەپ جازادى Global Times.

32 جاستاعى مۋزىكانت جانە اكتەر دجەيسي چان (چەن زۋميڭ) وزگە ادامداردىڭ ەسىرتكى پايدالانۋىنا جاعداي جاساعانى ءۇشىن ايىپتالىپ وتىر. ق ح ر زاڭدارى بويىنشا، ەندى ول 3 جىلعا باس بوستاندىعىنان ايىرىلۋى مۇمكىن.

ەسكە سالا كەتەيىك، ۇستىمىزدەگى جىلدىڭ تامىز ايىندا پوليتسيا دجەيسي چاننىڭ ءۇيىن ءتىنتۋ كەزىندە 100 گرام ماريحۋانا تاپقان. سول كەزدە ونىمەن بىرگە تايۆان اكتەرى كاي كو دا ۇستالعان بولاتىن.