جاپونيادا «جاڭا جىل» مەن «ەسكى جىل» تەرەزە جۋىپ ءجۇر
08:40, 24 - جەلتوقسان 2014
استانا. قازاقپارات - تاياپ قالعان جاڭا جىل مەرەكەسىن الەم حالقى تاعاتسىزدانا كۇتىپ وتىر. سونىڭ ىشىندە جاپونياداعى قوناق ءۇي مەيماندارى وسى عيماراتتى جۋىپ جۇرگەن شىعىس جۇلدىزناماسىنىڭ كەيىپكەرلەرىن تاماشالادى.
انىقتاپ قاراعان كەزدە، ولاردىڭ ءبىرى جىلقى، ال ەكىنشىسى قوي بولىپ كيىنگەندىگى بايقالادى. ءتىپتى 55 مەتر بيىكتىكتە جۇمىسىن اتقارىپ جاتقان تەرەزە جۋۋشىلار تۇك بولماعانداي، جۇمىستارىن جالعاستىرا بەردى. مۇنداي شارانى قوناقۇي اكىمشىلىگى جىل سايىن وتكىزەدى ەكەن. ونىڭ ءمانىسى كەتىپ بارا جاتقان ەسكى جىلدى كەلىپ قالعان جاڭا جىلدىڭ شىعارىپ سالۋىندا ەكەندىگىن تىلگە تيەك ەتەدى جاپونيالىقتار. يۋكو حامادا، جەرگىلىكتى تۇرعىن: - مەنىڭ بالام جىلقىدان قورقىپ قالعان سىڭايلى. ەسەسىنە وعان قوي قاتتى ۇنادى.
24.kz