اتىشۋلى «يسلام مەملەكەتى» دەگەن اتتى جامىلعان لاڭكەستىك ۇيىم جەڭىلىس تابۋدا
وسى كەزەڭدە يران ءماجىلىسىنىڭ سپيكەرى ايماقتاعى 3 شيىتتىك ەلگە ساپارىن باستاعان ەدى. يراك كۇردتەرىنىڭ «پەشمەرگا» جاساقشىلارى سيندجار تاۋىنىڭ ەتەگىندەگى 30 دان استام ەلدى- مەكەندى ازات ەتتى.
بۇل ايماقتى يراك پەن سيريا اۋماعىندا حاليفات جاريالاعان اتىشۋلى لاڭكەستىك ۇيىم وسى جىلدىڭ تامىزىندا باسىپ العان بولاتىن. بۇل وڭىردە نەگىزىنەن ەزيدتەر قاۋىمى تۇرادى. سودىرلاردىڭ قورشاۋىندا قالىپ، بىرنەشە اي ازىق- تۇلىك قىسپاعىن كورگەن ەزيدتەرگە بىردەن 32 جۇك كولىگىمەن كومەك كەلىپ جەتتى. ەندى قارۋلى كۇردتەر سينجار قالاسىن جاۋدان ازات ەتۋگە بەل بۋىپ وتىر. \ماسۋد بارزاني، يراكتاعى كۇردتەردىڭ باسشىسى:
- سينجار قالاسىن بوساتۋ - ءبىزدىڭ جوسپارىمىزدىڭ ءبىر بولىگى. ءبىراق قازىردىڭ وزىندە ءبىراز اۋداندار ءبىزدىڭ باقىلاۋىمىزعا ءوتتى. «يسلام مەملەكەتى» دەگەن اتتى جامىلعان لاڭكەستىك ۇيىم سودىرلارىن قۇرتاتىن بولامىز.
ال بۇل ۋاقىتتا يران ءماجىلىسىنىڭ ءتوراعاسى ءالي لاريدجاني داماسكىدە سيريا پرەزيدەنتىمەن كەزدەسۋ وتكىزىپ جاتقان بولاتىن. باشار اساد «سيريالىقتار ەلدەگى تەررور مەن ەكسترەميستىك يدەولوگيانى ءتۇپ- تامىرىمەن قۇرتۋعا تۇبەگەيلى بەكىنىپ وتىرعانىن» جەتكىزدى. سونىمەن بىرگە وسى باسقوسۋ بارىسىندا تۇرىك بيلىگىنىڭ يراك پەن سيرياداعى ا ق ش باستاعان حالىقارالىق كواليتسيا كۇشتەرىنە قولداۋ بىلدىرۋدەن باس تارتقان قادامى دا ءسوز بولدى. ساراپشىلار انكارانىڭ بۇل شەشىمىن «تۇرىك ۇكىمەتى باشار اساد اسكەرى مەن كۇردتىك جاساقشىلاردان سەسكەنكەندىكتەن قابىلدادى» دەپ باعالاۋدا.
ءالي لاريدجاني، يران ءماجىلىسىنىڭ سپيكەرى:
- تۇركيانىڭ سىرتقى ىستەر ءمينيسترى ميەۆليۋت چاۆۋشوگلۋ لاڭكەستىك ۇيىمعا قارسى بەرىك ۇستانىمىن ءبىلدىردى. ءبىز بۇل تار جول، تايعاق كەشۋدەن جاقىن ارادا وتەمىز دەپ سەنەمىن. وسى ماقساتىمىزعا جەتكەن كەزدە ايماقتاعى جاعداي ءسوزسىز جاقسارماق. ءلاريدجانيدىڭ 4 كۇندىك بۇل ساپارى سيريامەن شەكتەلمەيدى. يران ءماجىلىسىنىڭ سپيكەرى ەندى يراك پەن ليۆانعا اتتانادى.