قازاقستاندا باسپانا ساتىپ الۋشىلاردىڭ قاتارى ازايدى

استانا. قازاقپارات - قازاقستاندا باسپانا ساتىپ الۋشىلاردىڭ قاتارى ازايدى. بۇل تۋرالى تەنگري FM راديوسى Ranking.kz اگەنتتىگىنىڭ مالىمەتتەرىنە سىلتەمە جاساپ حابارلايدى.

اگەنتتىكتىڭ مالىمەتىنشە، ەلىمىزدە جىلجىمايتىن مۇلىك نارىعىنداعى بەلسەندىلىك تومەندەپ وتىر. قاراشا ايىندا جىلجىمايتىن مۇلىكتىڭ وتاندىق نارىعىندا شامامەن 13 مىڭ ساتۋ-ساتىپ الۋ مامىلەسى جاسالعان. بۇل - قازان ايىنداعى كورسەتكىشتەن 1800 گە كەم. بەلسەندىلىكتىڭ رەسپۋبليكانىڭ بارلىق ايماعى بويىنشا تومەندەگەنى بايقالىپ وتىر.

باسپانا نارىعىندا جاسالعان مامىلەلەر 12 پايىزدان استامعا ازايدى. ماسەلەن، الماتىدا قاراشا ايىندا 1,5 مىڭ شاماسىندا كەلىسىمشارت جاسالدى، قازان ايىنداعى كورسەتكىش 1800 دەن استام بولاتىن. جىلجىمايتىن مۇلىك ساتىپ الۋشىلاردىڭ قاتارى تەك پاۆلودار وبلىسى مەن استانادا عانا ارتىپ وتىر.

Ranking.kz پورتالىنداعى كەستە

ەسكە سالا كەتەيىك، بۇعان دەيىن  Тengrinews.kz قازاقستاندا بىرنەشە بانكتىڭ يپوتەكا بەرۋدى توقتاتقانىن حابارلاعان بولاتىن.