قازاقستاندىق مانەرلەپ سىرعاناۋشى جاپونياداعى شوۋعا قاتىسۋدا - فوتو

استانا. قازاقپارات - مانەرلەپ سىرعاناۋدان 2013 - جىلعى الەم چەمپيوناتىنىڭ كۇمىس جۇلدەگەرى، 2014 - جىلعى وليمپيادالىق ويىنداردىڭ قولا مەدال يەگەرى دەنيس تەن روجدەستۆو مەرەكەسىنە ارنالعان جاپونياداعى «Christmas on Ice» شوۋىنا قاتىسۋدا.

بۇل تۋرالى مانەرلەپ سىرعاناۋشىنىڭ جانكۇيەرلەرى قوعامداستىعىنىڭ Instagram-داعى پاراقشاسىنان بەلگىلى بولدى.

ەسكە سالا كەتەيىك، بۇدان بىرنەشە كۇن بۇرىن دەنيس اتاقتى مانەرلەپ سىرعاناۋشى ستەفان لامبەل ۇيىمداستىرعان شۆەيتسارياداعى «Christmas on Ice»  شوۋىنا قاتىسقان بولاتىن.