ن. نازاربايەۆ ۋكراينالىق قاقتىعىستى رەتتەۋدە «ادال مەنەدجەر» رەتىندە كومەك كورسەتۋگە ءازىر

استانا. قازاقپارات - ەلباسى نۇرسۇلتان نازاربايەۆ ۋكراينالىق قاقتىعىستى رەتتەۋدە «ادال مەنەدجەر ۇستانىمىندا» كومەك كورسەتۋگە ءازىر ەكەنىن جەتكىزدى.

 بۇل تۋرالى ق ر پرەزيدەنتى ەلىمىزدىڭ جەتەكشى تەلەارنالار جۋرناليستەرىنە بەرگەن سۇحباتىندا ءمالىم ەتتى.

«قازىرگى كەزدە بارلىعىنىڭ ماقساتى وسى سوعىستى توقتاتىپ، ۋكراينانىڭ تاۋەلسىزدىگىن نىعايتۋعا، ۋكراينانىڭ اۋماقتىق تۇتاستىعىن مويىنداۋعا نەگىزدەلگەن. كەلىسسوزدەر ۇستەلىنە وتىرۋ قاجەت. بۇل جايىندا بۇگىندە رەسەيلىك باسشىلار دا ايتۋدا»، - دەدى ن. نازاربايەۆ.

 بۇل تۇرعىدا ق ر پرەزيدەنتى ءوز تاراپىنان بۇل قاقتىعىستى رەتتەۋدە كومەكتەسۋگە دايار ەكەنىن قاداپ ايتتى.

«قازاقستان رەسەيگە دە جانە ۋكرايناعا دا بىردەي قارايدى، سونداي- اق بىزدە مۇددەلەر شيەلەنىسى جوق. مەن ەشقانداي تاراپتى جاقتامايتىن «ادال مەنەدجەرمىن»، بەيتاراپ ۇستانىممەن قانداي دا ءبىر ۇلەستى قوسا الامىن. بۇل - جاقسىلىققا نەگىزدەلگەن قالاۋىم»، - دەدى ەلباسى.

اۆتور: رۋسلان عابباسوۆ