بەلارۋس پەن رەسەي ساۋدانى دوللارمەن جاسايتىن بولدى

استانا. قازاقپارات - بەلارۋس پرەمەر-ءمينيسترى ورىنباسارى ميحايل رۋسىي «مينسك پەن ماسكەۋ بەلارۋستەن رەسەيگە ەكسپورتتالاتىن تاۋارلاردىڭ باعاسىن دوللارمەن ەسەپتەۋگە كەلىستى» دەپ مالىمدەدى.

بەلارۋس ۆيتسە-پرەمەرىنىڭ ايتۋىنشا، «رەسەي جاعى بۇل ۇسىنىسپەن جۇمىس ىستەۋ ىڭعايلى بولعاندىقتان كەلىسكەن». ميحايل رۋسىي «ويتكەنى، كونتراكتىلەردى قايتا-قايتا وزگەرتىپ وتىرۋ قيىن، ءارى دوللارمەن ەسەپتەسكەن جاعدايدا ەكى جاق ءبىر-بىرىنە كۇدىك كەلتىرمەيدى» دەيدى.

رۋسىي «رەسەي مەن بەلارۋستىڭ ازىق-تۇلىك بالانسىن دا كەلىسكەنىن» ايتادى. ت ا س س اگەنتتىگىنىڭ حابارلاۋىنشا، ول جوسپار (بالانس) ەكى ەلدىڭ اۋىل شارۋاشىلىعى مينيسترلىكتەرىنىڭ القا وتىرىسىندا بەكىتىلەدى.

«ازاتتىق»