كەۋدەسىمەن گراناتانى جاپقان پولكوۆنيك سەرىك سۇلتانعابيەۆ ر ف «جاقسىلىق جاساۋعا اسىعىڭىزدار» مەدالىمەن ماراپاتتالدى
15:45, 21 - جەلتوقسان 2014
استانا. قازاقپارات - كەۋدەسىمەن گراناتانى جاپقان قازاقستاننىڭ تۋماسى، ر ف اسكەري قىزمەتشىسى سەرىك سۇلتانعابيەۆ رەسەي فەدەراتسياسىنداعى ادام قۇقىقتارى جونىندەگى ۋاكىلەتتى ورگاننىڭ «جاقسىلىق جاساۋعا اسىعىڭىزدار» مەدالىمەن ماراپاتتالدى.
«ماراپاتتاۋ ءراسىمى 17- جەلتوقساندا ءوتتى»، - دەپ حابارلاندى رەسەي فەدەراتسياسىنىڭ ادام قۇقىقتارى جونىندەگى ۋاكىلەتتى ورگانىنىڭ سايتىندا.
ەسكە سالساق، 2014-جىلعى قىركۇيەكتە ول جارىلعالى تۇرعان گراناتادان ساربازدى قورعاپ، ءوز كەۋدەسىن وققا توسقان. اسكەري بولىمدە وتكەن وقۋ-جاتتىعۋدا سەرجانت الەكسەي تەلەنين جاۋىنگەرلىك گراناتانى قولىنان ءتۇسىرىپ الدى. سەرىك سۇلتانعابيەۆ ساربازدى يتەرىپ جىبەرىپ، سناريادتىڭ ۇستىنە قۇلاعان. پولكوۆنيك اۋىر جاراقاتتاندى. وعان رەسمي تۇردە «رەسەي باتىرى» اتاعى بەرىلىپ، ءى ءى م باس اسكەري گوسپيتالىندە التىن جۇلدىز تابىس ەتىلدى.