بوكس: بەرىك ءابدىراحمانوۆ فينالعا شىقتى

استانا. قازاقپارات - 60 كەلى سالماق ساناتىنداعى قازاقستاندىق بوكسشى بەرىك ءابدىراحمانوۆ AIBA Pro Boxing (APB) ليتسەنزيالىق وليمپيادالىق تۋرنيرىنىڭ فينالىنا شىقتى، دەپ حابارلادى Vesti.kz.

2013-جىلعى الەم چەمپيوناتىنىڭ قولا جۇلدەگەرى ءۇشىنشى تۋردا برازيليالىق روبسون كونسەيساومەن كەزدەستى. جەكپە-جەك ناتيجەسىندە ءابدىراحمانوۆ ۇپاي سانىمەن جەڭىسكە جەتتى - 58:56, 58:56, 57:57.

وسىلايشا، قازاقستاندىق سپورتشى تۋرنيردەگى ءۇشىنشى جەڭىسىنە قول جەتكىزدى. 2016-جىلعى وليمپيادالىق ويىنعا جولداما الۋ ءۇشىن ءابدىراحمانوۆ ەندى وزبەكستاندىق حۋرشيد توجيبايەۆپەن كەزدەسەدى، ول دا قارسىلاستارىنان ءۇش رەت باسىم تۇسكەن.