ساراپشى - «يسلام مەملەكەتى» جەندەتتەرىنىڭ اراسىندا قازاقستاندىق بار
بۇل جونىندە سوفيا ۋنيۆەرسيتەتىنىڭ (بولگاريا) پروفەسسورى، تەرروريزمگە قارسى ءىس-قيمىل سالاسىنىڭ ساراپشىسى تاتيانا درونزينا Tengrinews.kz تىلشىسىنە حابارلادى.
استانا قالاسىندا ەكسترەميزم مەن لاڭكەستىككە قارسى كۇرەس ماسەلەسى تالقىلانعان كونفەرەنتسيادا درونزينا 15 - قاراشادا الەۋمەتتىك جەلىلەردە يراكتىڭ 22 ساربازى مەن وفيتسەرىنە ۇرۋ-سوعۋ جازاسىن قولدانۋ كەزىندە تۇسىرىلگەن بەينەروليك پايدا بولعانىن ايتتى. ونىڭ ايتۋىنشا، سول جازالاۋشىلاردىڭ قاتارىندا قازاقستاندىق بار.
«جازالاۋشىلاردىڭ سانى - 22، سولاردىڭ بىرەۋى - قازاقستان ازاماتى (...). ول انىقتالدى»، - دەدى ول فوتونى كورسەتىپ. ساراپشىنىڭ ايتۋىنشا، يراك سولداتتارىنىڭ باسى شابىلعان. جازالاۋ كەزىندە اعىلشىن جەندەتى دجوننىڭ بولعانى دا انىقتالدى.
قازاقستان ازاماتى تۇرىنە قاراپ انىقتالدى، ءبىراق اتى-ءجونى بەلگىسىز. الايدا ونىڭ سيرياعا 2013 - جىلعا دەيىن بارعانى تۋرالى اقپارات بار.
«تەرروريزمگە قارسى جەلىلەردە بۇل كەڭىنەن تالقىلاندى، ءبىراق قازاقستاندىقتار تاراپىنان ەشقانداي رەاكسيانى بايقامادىم، قالاي بولعان كۇندە دە بۇل دەرەك ءبىر اي بۇرىن انىقتالدى، بەينەروليك ءبىر اي بۇرىن شىقتى»، - دەدى ول.
درونزيناعا «بالكىم قازاقستاندىق جەندەتتەر دەگەندى جاقشا ىشىنە جازۋدى قويۋ كەرەك شىعار؟» دەگەن سۇراق قويىلدى.
ونىڭ ايتۋىنشا، قازاقستاندا «يسلام مەملەكەتى» - قىلمىستىق سيپاتقا يە ۇيىم ەكەنىن كوبىرەك ايتۋ كەرەك، بۇل ۇيىم 200 مىڭ ادامنىڭ ولىمىنە كىنالى، 11 ميلليون ادامدى بوسقىن قىلىپ، مىڭداعان ايەلدى جىنىستىق قۇلدىقتىڭ قۇربانىنا اينالدىرعان ۇيىم.
«بۇل جونىندە بارلىعى جازۋى كەرەك، جاي عانا ناسيحات جۇرگىزۋگە بولمايدى، ولاردى كورسەتۋ كەرەك، ولاردى باتىر كەيپىندە كورسەتەتىن بايلانىستىڭ بارلىعىن ءۇزىپ، ولاردىڭ قىلمىسكەر ەكەنىن جەتكىزۋىمىز كەرەك»، - دەدى ول.
ايتا كەتەيىك، بۇگىن باس پروكۋروردىڭ ورىنباسارى اندرەي كراۆچەنكو شەتەلدەگى قارۋلى قاقتىعىسقا قاتىسقان قازاقستان ازاماتتارى قىلمىستىق جاۋاپكەرشىلىككە تارتىلاتىنىن تاعى ءبىر مارتە ەسكە سالدى.
«قارۋلى قاقتىعىستارعا قاتىسۋ قازىرگى تاڭدا قىلمىس جاساۋ بولىپ سانالادى، سوندىقتان مۇنداي قادامعا بارعاندار جازالاناتىنىن ەسكەرتەمىز. ەگەر سونداي ادامدار شىعىپ جاتسا، ءتيىستى جازاسىن الادى، جازا زاڭعا سايكەس جانە ادام قۇقىعىن بارلىق جاعىنان ساقتالا وتىرىپ بەلگىلەنەدى»، - دەدى كراۆچەنكو.