بيىلعى «التىن قالام» جەڭىمپازدارى انىقتالدى
وندا ونەركاسىپ تاقىرىبىنا جازاتىن ۇزدىك جۋرناليستەر ماراپاتتالىپ، ولارعا ارنايى سىيلىقتار تابىس ەتىلدى، دەپ جازادى «ەگەمەن قازاقستان».
ماراپاتتاۋ راسىمىنە «ەگەمەن قازاقستان» ر گ» ا ق پرەزيدەنتى ساۋىتبەك ابدراحمانوۆ، پارلامەنت سەناتىنىڭ دەپۋتاتى جابال ەرعاليەۆ، ەۋرازيالىق توپتىڭ كوممۋنيكاتسيالار بويىنشا ديرەكتورى نادەجدا شاشكوۆا قاتىستى. ماراپاتتاۋ بارىسىندا ءسوز العان «ەگەمەن قازاقستان» ر گ» ا ق پرەزيدەنتى ساۋىتبەك ابدراحمانوۆ بارشانى كۇنى كەشە اتالىپ وتكەن ۇلى مەرەكە - تاۋەلسىزدىك كۇنىمەن قۇتتىقتاي وتىرىپ، اتالعان بايقاۋدىڭ جاي-جاپسارىن ايتتى:
- سوڭعى جىلداردا ەۋرازيالىق توپ پەن «ەگەمەن قازاقستان» رەسپۋبليكالىق گازەتىنىڭ اراسىندا جاقسى شىعارماشىلىق بايلانىس ورنىقتى. ءبىز ەۋرازيالىق توپتىڭ باسشىلىعىنا قازاق جۋرناليستيكاسىندا ونەركاسىپ تاقىرىبىن جازۋ بەلگىلى ءبىر دارەجەدە كەنجەلەپ قالعاندىعىن، وندىرىستىك تەرمينولوگيانىڭ قالىپتاسا قويماعانىن ايتىپ، وسىدان بەس جىل بۇرىن ۇسىنىس بىلدىرگەن بولاتىنبىز.
مىنە، سودان بەرى داستۇرگە اينالىپ بارا جاتقان بايقاۋ قاتىسۋشىلار سانىمەن دە، ونداعى ماتەريالدار ساپاسىمەن دە كوز قۋانتىپ وتىر. وسى گازەت پەن كومپانيا اراسىنداعى ورناتىلعان تىعىز قارىم- قاتىناستىڭ ءمان- ماعىناسى دا وسىندا. قازاق ءتىلدى باسپا سوزدە ونەركاسىپ ماسەلەلەرىنىڭ جازىلۋىنا قوزعاۋ سالۋ ماقساتىندا باستاما كوتەرگەن بولاتىنبىز. ماقساتىمىز اۋىل ءوڭىرى، تاريح، ءتىل، مادەنيەت سەكىلدى ەركىن، جەڭىل تاقىرىپتارعا كوسىلە جازىپ، قالام سىلتەپ ۇيرەنگەن قالامگەرلەرگە ەندىگىدە وندىرىستىك سالانىڭ جازىلۋىنا جاعداي جاساۋ ەدى، - دەدى باسىلىم باسشىسى.
بايقاۋ قورىتىندىسى بويىنشا، ءبىرىنشى ورىن ديپلومىنا جانە 500 مىڭ تەڭگە اقشالاي سىيلىققا پاۆلودار وبلىستىق «سارى ارقا سامالى» گازەتى ەكونوميكا ءبولىمىنىڭ مەڭگەرۋشىسى نۇربول جايىقپايەۆ يە بولدى. جۋرناليست كوپ جىلدار قاتارىنان پاۆلودار وبلىسىنداعى ءۇ ي ي د باعدارلاماسىنىڭ جۇزەگە اسىرىلۋى تۋرالى، ونىڭ ىشىندە ەۋرازيالىق توپ كاسىپورىندارى جايىندا ساراپتامالىق ماقالالار جازعانى ءۇشىن ماراپاتتالدى.
ال ەكىنشى ورىن ديپلومى جانە ءارقايسىسى 400 مىڭ تەڭگە اقشالاي سىيلىقپەن اقتوبە وبلىسىنداعى «كازحروم» تۇك جاڭا فەرروقورىتپا زاۋىتىنىڭ جۇمىسى تۋرالى تۇراقتى جازىپ جۇرگەن «ەگەمەن قازاقستان» گازەتىنىڭ اقتوبە وبلىسىنداعى ءتىلشىسى ساتىبالدى ءساۋىرباي جانە قاراعاندى وبلىسىنداعى ءۇ ي ي د باعدارلاماسىنىڭ جۇزەگە اسىرىلۋى تۋرالى ماقالالارى ءۇشىن «مىستى ءوڭىر» گازەتىنىڭ ءتىلشىسى الىبەك ءابدىراش ماراپاتتالدى.
سونداي- اق، ءۇشىنشى ورىن ديپلومدارىنا جانە ءارقايسىسى 300 مىڭ تەڭگە اقشالاي سىيلىققا ەۋرازيالىق توپ قۇرامىنا كىرەتىن پاۆلودار وبلىسىنداعى «قازاقستان اليۋمينيى» ا ق- تىڭ وندىرىستىك جەتىستىكتەرى، زاۋىتتىڭ جۇمىسشىلارى مەن الەۋمەتتىك باستامالارى تۋرالى باعدارلامالارى ءۇشىن «يربيس» تەلەارناسىنىڭ جۋرناليسى انار قۇسايىنوۆا، اقتوبە وبلىسىنداعى «كازحروم» ت ۇ ك- نىڭ وندىرىستىك جانە الەۋمەتتىك باستامالارى تۋرالى، اقتوبە فەرروقورىتپا زاۋىتىنىڭ جۇمىسشىلارىنىڭ ەڭبەگى جايىندا تۇراقتى ماقالالار جازاتىن «اقتوبە» گازەتىنىڭ ءتىلشىسى ارايلىم نۇربايەۆا جانە تاۋ-كەن ونەركاسىبى تۋرالى ساراپتامالىق ماقالالار جازىپ، كادر تاپشىلىعى، گەولوگيالىق زەرتتەۋلەر ماسەلەسى جونىندە وزەكتى تاقىرىپتاردى كوتەرىپ جۇرگەن «قازاقپارات» اگەنتتىگىنىڭ ءتىلشىسى قانات توقابايەۆ يە بولدى.
ءبىرىنشى ورىنعا يە بولعان نۇربول جايىقپايەۆ ءوزىنىڭ قۋانىشىن جاسىرا المادى: «قازاق جۋرناليستەرىنىڭ باسىم كوپشىلىگى الەۋمەتتىك تاقىرىپتاردى قامتىعاندى جاقسى كورەدى. سەبەبى، ولاردىڭ وڭ جامباسىنا كەلەتىن مادەنيەت، ادەبيەت، ونەر سەكىلدى تاقىرىپتار اسا قيىندىق تۋدىرمايدى.
ال وسىدان كەلىپ سالالىق جۋرناليستيكانىڭ ارتتا قالۋى بەلەڭ الادى. سول سەبەپتەن، جۋرناليستيكانىڭ اقساعان ءبىر تۇسى - وسى ونەركاسىپ سالاسىن جازۋ كەرەك. سوڭعى جىلداردا بۇل تاقىرىپ كەڭىنەن اشىلىپ كەلە جاتىر دەپ ويلايمىن. وعان بۇگىنگى بايقاۋدىڭ ىقپالى زور ەكەندىگىن ايتقىم كەلەدى. بۇگىن، مىنە، مەن دىتتەگەن ماقساتىما قول جەتكىزىپ، ءبىرىنشى ورىندى يەلەنىپ وتىرمىن. بۇل - مەن ءۇشىن ۇلكەن قۋانىش» دەدى.