ەۋروپا سوتى سەمىزدەرگە اراشا ءتۇستى

استانا. قازاقپارات - «ەگەر ادامنىڭ ارتىق سالماعى كاسىبي ومىرىندە وزگە ارىپتەستەرىمەن تەڭ دارەجەدە تولىق ءارى ءتيىمدى ارالاسۋىنا كەدەرگى كەلتىرسە»، ونداي سەمىزدىككە شالدىققان ەۋروپا ازاماتتارى مۇگەدەككە تەڭەستىرىلەتىن بولادى.

ەۋروپا سوتى وسىنداي شەشىم شىعاردى جانە ونى ەۋرووداققا مۇشە بارلىق ەلدەر ورىنداۋعا مىندەتتى.

مۇنداي شەشىمنىڭ قابىلدانۋىنا داتتىق كارستەن كالتوفتتىڭ شاعىمى سەبەپ بولعان. ول بالاباقشادا تاربيەلەنۋشى بولىپ جۇمىس ىستەگەن، الايدا ونىڭ 160 كەلى جۋىق ارتىق سالماعى بالالاردىڭ باۋىن بايلاپ بەرۋگە مۇرشا بەرمەپتى. وسىعان بايلانىستى جۇمىستان شىعىپ قالعان كالتوفت ارتىق سالماققا بولا كەمسىتۋشىلىككە ۇشارىم دەپ شاعىمداندى.

«سوت شەشىمى ادام قۇقىعىن كۇشەيتە تۇسەدى دەپ سەنەمىن. ءسىزدى ارتىق سالماق ءۇشىن جۇمىستان قۋۋ - ادىلەتسىزدىك»، - دەپ ءمالىم ەتتى كالتوفت.

ەۋروپا سوتى، دۇنيەجۇزىلىك دەنساۋلىق ساقتاۋ ۇيىمىنىڭ ستاتيستيكاسىنا سايكەس، ارتىق سالماق دەرتىنە شالدىققان ەۋروپاداعى ايەلدەردىڭ شامامەن 23 پايىزىنىڭ جانە ەرلەردىڭ 20 پايىزىنىڭ مۇددەسىن ەسكەردى.

BNews.kz