ەرمەك امانشايەۆ پەن نۇرالى اليەۆ استانا اكىمىنىڭ ورىنباسارلارى بولىپ تاعايىندالدى
دەپ حابارلايدى ەلوردا اكىمىنىڭ باسپاءسوز قىزمەتىنەن.
ەرمەك ءامىرحان ۇلى س.م. كيروۆ اتىنداعى قازاق مەملەكەتتىك ۋنيۆەرسيتەتىن «فيلولوگ، قازاق ءتىلى جانە ادەبيەتىنىڭ مۇعالىمى» ماماندىعى بويىنشا ءتامامداعان، فيلولوگيا عىلىمدارىنىڭ دوكتورى.
ءار جىلدارى قازاقستان رەسپۋبليكاسى پرەمەر-ءمينيسترى كەڭسەسىندە جۇمىس ىستەگەن، مادەنيەت كوميتەتىنىڭ ءتوراعاسى، ق ر مادەنيەت ءمينيسترىنىڭ ورىنباسارى، ق ر مادەنيەت، اقپارات جانە قوعامدىق كەلىسىم ۆيسە-ءمينيسترى، استانا قالاسى اكىمىنىڭ ورىنباسارى لاۋازىمدارىندا قىزمەت ەتكەن. سوڭعى جىلدارى ش. ايمانوۆ اتىنداعى «قازاق فيلم» ۇلتتىق كومپانياسى» ا ق پرەزيدەنتى قىزمەتىن اتقاردى.
نۇرالى اليەۆ اباي اتىنداعى قازاق ۇلتتىق ۋنيۆەرسيتەتىن ەكونوميكا جانە قارجى مامانداعى بويىنشا، پەپپەردين ۋنيۆەرسيتەتىن (بيزنەس-اكىمشىلەندىرۋ) جانە يمادەك ۋنيۆەرسيتەتىنىڭ ماگيستراتۋراسىن (بيزنەس-اكىمشىلەندىرۋ) ءتامامداعان.
ءار جىلدارى «نۇر بانك» ا ق ءتوراعاسىنىڭ ءبىرىنشى ورىنباسارى، باسقارما ءتوراعاسى جانە ديرەكتورلار كەڭەسىنىڭ ءتوراعاسى لاۋازىمدارىندا قىزمەت اتقارعان. 2008 - جىلدىڭ جەلتوقسانىنان 2013 - جىل ارالىعىندا - «قازاقستاننىڭ دامۋ بانكى» ا ق باسقارما ءتوراعاسىنىڭ ورىنباسارى، «ترانس تەلەكوم» ا ق باسقارما ءتوراعاسى.
استانا قالاسى اكىمىنىڭ وكىمىمەن سۇلتانبەكوۆ قانات تاڭاتار ۇلى مەن بالايەۆا ايدا عالىم قىزى استانا قالاسى اكىمىنىڭ ورىنباسارلارى قىزمەتىنەن بوساتىلدى.