قۇلجا قالاسىندا قازاقستاندىق اقىننىڭ جىر كەشى ءوتتى

استانا. قازاقپارات - اقىننىڭ بۇل جەردى تاڭداۋى بەكەر ەمەس. ويتكەنى 1936 - جىلى ءدال وسى قۇلجا وڭىرىندە دۇنيەگە كەلگەن. 20 جاسىندا قازاقستانعا كوشىپ كەلدى. ءبىراق اراعا 56 جىل سالىپ تۋعان ولكەسىنە قايتا تابانى ءتيدى.

 مارفۋعا اقىندى جانە ولەڭدى ساعىنعان ەل زالدى تولتىردى. قۇلجاداعى بار قازاق اقىننىڭ كەشىن ساعىنا كۇتكەنى بايقالىپ تۇر. ولەڭمەن ورىلگەن كەش «تۋعان جەرىن اڭسامايتىن جان بار ما؟» دەپ اتالىپتى.

 اقىننىڭ جىلى لەبىزى مەن ءار ولەڭىنە قوشەمەت ءبىلدىرىلدى. قۇلجا وڭىرىندەگى جەرگىلىكتى جۇرت ىقىلاسىن ءبىلدىرىپ، اقىنعا وزدەرىنىڭ دە اق تىلەكتەرىن تىلەپ جاتتى. اقيىق اقىننىڭ كەشىنە قازاقستاننان ءبىر توپ ونەر شەبەرلەرى بارىپ، قولداۋ كورسەتتى. قىستىڭ كوزى قىراۋعا قاراماي پوەزيا كەشىنە كەلگەن اعايىنعا مارفۋعا ايتقوجينا اپامىز ءوزىنىڭ العىسىن جەتكىزدى.

Baq.kz