قىتايدا ۇستالعان اقجارقىن تۇرلىبايعا ەسىرتكىنى سول جەردە سالىپ جىبەرۋى مۇمكىن - قورعاۋشى
ەستەرىڭىزگە سالا كەتەيىك، 20 جاستاعى قازاق قىزى اقجارقىن تۇرلىباي 2014 - جىلدىڭ ناۋرىزىندا گۋاڭجوۋ اۋەجايىندا مالايزياعا ۇشىپ بارا جاتقان جەرىنەن ۇستالعان بولاتىن. ونىڭ تانىستارى «luxury» فيرمالىق كيىمدەرىن تاسىمالداپ، اقشا تابۋعا ۇگىتتەگەن.
قىزدىڭ جۇگىنەن پوليتسەيلەر ەسىرتكى تاپقان. اقجارقىننىڭ قورعاۋشىسى ەسىرتكى زاتىن قىزدىڭ سومكەسىنە بىرەۋ قىتايدا سالىپ جىبەرۋى مۇمكىن ەكەنىن ايتادى.
«ويتكەنى، مۇنداي تىيىم سالىنعان جۇك قىتاي مەن قازاقستاننىڭ شەكاراسىنان ءوتىپ كەتۋى مۇمكىن ەمەس» ، - دەدى ول.
«وسى جەردە ءبىر كۇدىكتى وي تۋادى. تىيىم سالىنعان جۇكتى قىتايعا بارعاندا بىرەۋلەر ازىرلەپ تۇرۋى مۇمكىن. ويتكەنى، ول قىتايدان مالايزياعا كەتۋى كەرەك بولعان» ، - دەدى سۇڭقار نۇرماعامبەتوۆ.
بار دەرەكتەرگە سۇيەنسەك، قىتايدا اقجارقىن جالعىز بولماعان. گۋاڭجوۋ اۋەجايىندا دا ونىڭ قاسىندا بەلگىسىز بىرەۋلەر جۇرگەن. تەك، اۋەجايدا اقجارقىن وزىنە بەلگىسىز سەبەپتەرمەن مالايزياعا ۇشپايتىنىن بىلگەن» ، - دەدى س. نۇرماعامبەتوۆ.
تەرگەۋ امالدارىنا كەدەرگى بولماس ءۇشىن قورعاۋشى ءىستىڭ ءمان- جايىن جاريالاۋدان باس تارتتى. ءبىراق، ول ق ر ءس ءى م ارقىلى قورعاۋشى تاراپ جىبەرگەن دالەلدەردىڭ بارلىعى ونىڭ كىناسىز ەكەندىگىن ايعاقتايتىندىعىن ايتتى.
ونىڭ ايتۋىنشا، اقجارقىن تۇرمىسى تومەن وتباسىنان شىققاندىقتان بۇرىن- سوڭدى شەتەلدە بولىپ كورمەگەن.
«ول - اۋىلدىڭ قىزى. وتباسىن جالعىز ءوزى اسىراپ وتىرعان. ج و و- دا وقي ءجۇرىپ، الماتىداعى بارلاردىڭ بىرىندە داياشى بولىپ قىزمەت ەتكەن. ال، ەندى ءوزىنىڭ بار تاپقانى ايىنا 650 دوللار بولسا، ول قالايشا قىتايعا دەيىن 1600 دوللار، ودان مالايزياعا دەيىن 1560 دوللار تۇراتىن اۆيابيلەتتى ساتىپ الادى؟ » ، - دەدى قورعاۋشى.
ادۆوكات قىتايدا وسىنداي جاعدايلار ءجيى ورىن الاتىنىن ءارى قىتايدىڭ سوت جۇيەسى تاۋەلسىز ەكەندىگىن ايتىپ ءوتتى.
«مۇمكىن ازيا ەلدەرىندەگى تىيىم سالىنعان پسيحوتروپتى، ەسىرتكى زاتتارىنا دەگەن ۇلكەن سۇرانىس وسى جولدا مول اقشا تابۋعا دەگەن قىزىعۋشىلىق تۋدىراتىن بولار. مەن ءوز باسىم ق ح ر سوت مەن قۇقىق قورعاۋ جۇيەسىنىڭ ادىلەتتىلىگىنە سەنىمدىمىن. ويتكەنى، وسى تۋرالى قىتايدا جاريا پروتسەستەر، قوعامدىق تالقىلاۋلار ءجيى بولىپ تۇرادى» ، - دەدى ول.
«قىتاي مەن قازاقستاندى تىعىز بايلانىستىرىپ تۇرعان ورتاق دۇنيەلەر وتە كوپ: شەكارا، ەكونوميكا، ۇلى جىبەك جولىنىڭ تاريحى، حالىقارالىق «باتىس ەۋروپا - باتىس قىتاي» كولىكتىك ءدالىزىنىڭ قۇرىلىسى. ينتەگراتسيالىق پروتسەستىڭ ارتۋىنا وراي ەكى ەل اراسىنداعى ءوزارا ىنتىماقتاستىق تا تەرەڭدەپ، ەكى ەلدىڭ زاڭناماسىن جەتىلدىرۋ قاجەتتىگى دە تۋىپ وتىر» ، - دەدى ول.
سونىمەن قاتار، سۇڭقار نۇرماعامبەتوۆ شەتەلدە قيىن جاعدايعا ءتۇسىپ قالعان قانداستارىمىزعا كومەك كورسەتەتىن ۇكىمەتتىك ەمەس ۇيىمىن قۇرعاندىعىن جەتكىزدى.
«مەنىڭ قازىرگى باستى ماقساتىم - اقجارقىندى قازاقستان- قىتاي باعىتىنداعى كولىككە بيلەت الىپ بەرىپ، ەلىنە قايتارۋ» ، - دەدى ول.