باس پروكۋراتۋرا «يسلام مەملەكەتى» روليگىندەگى قازاقستاندىق بالالار انىقتالدى
«روليككە قاتىستى ايتاتىن بولساق، ارينە، بۇل روليكتە كىمنىڭ تۇسىرىلگەنىن، ءتىپتى بالالارعا قاتىستى اقپاراتتى دا بىلەمىز. بۇل باسقاشا بولسا دۇرىس بولمايتىن ەدى، سەبەبى ارنايى قىزمەتتەر مەن قۇقىق قورعاۋ ورگاندارى وسىعان ۇقساس بارلىق ماتەريالدارمەن بايىپپەن، ەگجەي-تەگجەيلى جۇمىس ىستەپ جاتىر جانە ءبىز مۇنداي ماتەريالداردىڭ تاراتىلماۋى ءۇشىن ولاردى جەلىدە شىعۋىنا توقساۋىل قويۋعا ءتيىستى شارا قولدانامىز. بۇل ءبىز ءۇشىن وتە ماڭىزدى»، - دەدى كراۆچەنكو تىلشىلەرگە ەكسترەميزم مەن لاڭكەستىككە قارسى كۇرەس ماسەلەسىنە ارنالعان كونفەرەنسيانىڭ ۇزىلىسىندە.
ول بالالاردىڭ اتى-ءجونىن ايتپادى. «قازىرگى ۋاقىتتا مەن سىزدەرگە ولاردىڭ اتى-جوندەرىن ايتا المايمىن، بۇل بالالاردىڭ كىم ەكەنىن جاقسى تۇسىنەمىز، ءبىراق ءبىز مۇنداي قىلمىستىق ىسكە تارتىلماۋى ءۇشىن جۇمىسىمىزدى جالعاستىرا بەرەمىز»، - دەدى باس پروكۋروردىڭ ورىنباسارى.
سونىمەن قاتار، كراۆچەنكو بۇل بالالاردىڭ قارۋلى قاقتىعىستاردىڭ ورتاسىنا ءتۇرلى جولدارمەن تۇسكەنىن، ءبىراق نەگىزىندە ول جاققا وتباسىمەن بىرگە كەتىپ قالعاندار ەكەنىن ءتۇسىندىردى.
ول قازاقستاننىڭ بۇل بالالاردى وتانىنا قايتارۋ ءۇشىن جۇمىس ىستەيتىنىن ايتتى. قازاقستاننىڭ باس پروكۋراتۋراسى ب ا ق پەن قوعامعا مۇنداي ۆيدەوروليكتەردىڭ تاراتىلماۋى كەرەكتىگىن ەسكەرتتى.
«وسى بارلىق ماتەريالدار ناسيحات بولىپ سانالادى، ياعني بۇلاردىڭ ءبارى قاساقانا جاسالادى، ال ولاردى جوعارى ماماندانعان ادامدار جاسادى، مۇنىڭ بارلىعىن ءوز جاعىنا ادامداردى تارتۋ ماقساتىندا جاساپ وتىر، ناقتىلاپ ايتساق، ولار قىلمىستىق توپتارىنا ادام تارتۋ ءۇشىن جاساپ وتىر. مۇندا ءبىر جوعارى تۇراتىن ماقساتتار بار دەپ الدانباۋ كەرەك، بۇل قاراپايىم قىلمىستىق توپ، ول سوعىسۋعا بايلانىستى، اسا اۋىر قىلمىستارعا قاتىسۋعا، كىسى ولتىرۋگە، بەيبىت تۇرعىندارعا قارسى ءتۇرلى لاڭكەستىكتەردى جاساۋعا مۇمكىندىك بەرەدى. بۇل - وتە قاۋىپتى ارەكەت، ارينە، ونىڭ جولى كەسىلەدى»، - دەپ مالىمدەدى كراۆچەنكو.