يندونەزيادا جانارتاۋ اتقىلاپ، تەرانتە قالاسىنداعى اۋەجاي جابىلدى
10:40, 19 - جەلتوقسان 2014
استانا. قازاقپارت - يندونەزيا بيلىگى گامالام جانارتاۋىنىڭ اتقىلاۋى سالدارىنان وسى اۋماقتاعى ارالدا ورنالاسقان تەرانتە قالاسىنداعى اۋەجايدى جاپتى.
بۇل تۋرالى «شينحۋا» اگەنتتىگى حابارلادى.
سونداي-اق ەل بيلىگى جۇرتشىلىققا قاۋىپتى اۋماققا بارماۋ قاجەتتىگىن ەسكەرتتى.
سولتۇستىك مالۋكۋ پروۆينتسياسىنداعى تەرانتە ارالىنداعى گامالام جانارتاۋى 19- جەلتوقسانعا قاراعان ءتۇنى وياندى. جانارتاۋدان 3,5 شاقىرىم راديۋستاعى اپات اۋماعى ەۆاكۋاتسيالىق ايماق بولىپ جاريالاندى.