فۋتبول قىتاي مەكتەپتەرىنە نەگىزگى ءپان رەتىندە ەنگىزىلەدى

استانا. قازاقپارات - قىتاي پرەزيدەنتى شي جينپيڭ ءوز ەلىندە فۋتبولدى دامىتۋ جانە ايگىلەۋ ءۇشىن ارنايى باعدارلاما دايىندادى، دەپ جازادى شەتەلدىك ب ا ق.

شي جينپيڭنىڭ ايتۋىنشا، بۇل قادام قىتايدىڭ الەم چەمپيوناتىنا قاتىسۋىنا، تۋرنيرلەر وتكىزىپ، وندا جەڭۋىنە مۇمكىندىك بەرەدى.

سونداي-اق فۋتبول نەگىزگى ءپان رەتىندە مەكتەپتەردە وقىتىلاتىن بولادى. باعدارلامداعى جوسپارعا سايكەس 2017 - جىلعا قاراي 20 مىڭ قىتايلىق مەكتەپتە فۋتبولعا ارنالعان جاڭا الاڭدار مەن بازالار سالىنادى.

بۇدان بولەك، 2016 - جىلى ۋنيۆەرسيتەتكە ءتۇسۋ كەزىندە ابيتۋريەنتتەر ءوز قالاۋلارى بويىنشا فۋتبولدان ەمتيحان تاپسىرا الادى.

ايتا كەتەيىك، قازىرگى كەزدە قىتاي ف ي ف ا رەيتينگى بويىنشا 88-ورىندا تۇر. ولار تەك ءبىر رەت قانا - 2002 - جىلى عانا الەم چەمپيوناتىنا قاتىستى.