مۇسىلمان وقۋشىسى از ۋاقىت ىشىندە ميلليونەر اتاندى
16:43, 18 - جەلتوقسان 2014
استانا. قازاقپارات - نيۋ- يورك قالاسىندا تۇراتىن مۇسىلمان وقۋشىسى ءوز قاتارلاستارى اراسىندا ءىستىڭ كوزىن بىلەتىن كاسىپكەر رەتىندە تانىلدى.
ول تۇسكى ءۇزىلىس ۋاقىتىندا اكتسيا ساۋداسى ارقاسىندا ونداعان ميلليون قارجى تاۋىپ، بايىپ شىعا كەلدى.
«تىرشىلىكتىڭ قوزعاۋشى كۇشى نە؟ - دەيدى 17 جاسار مۇحاممەد يسلام. - ارينە، اقشا. ەگەر بيزنەس پەن اقشا جۇمىس ىستەمەسە، يننوۆاتسيا مەن ينۆەستيتسيا، ءوندىرىس پەن جۇمىس تا توقتاپ قالار ەدى» .
ونىڭ بيرجا سالاسىندا قىزمەت جاساي باستاۋى 9 جاسىندا باستالعان بولاتىن. اتا- اناسىنىڭ بەرگەن پەننيلەرىنەن اقشا جيناعان ول فينانس الەمىنىڭ تانىمال كاسىپكەرلەرىنىڭ تاجىريبەلەرىن وقي باستايدى. اسىرەسە، فوربس تىزىمىندە 108-ورىندا تۇراتىن پول تيۋدور دجونس جۇمىس ىستەۋ ەرەكشەلىگى قاتتى قىزىقتىرعان كورىنەدى.