قازاق ونەرىنىڭ ساڭلاقتارى: اقان ساتايەۆ
1994 - جىلى الماتى قالاسىندا ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ كينو جانە تەليەۆيدەنيە فاكۋلتەتىن ءبىتىردى. وقۋدى بىتىرگەن سوڭ ەكى كوركەم فيلمگە ءتۇستى. سول كەزدەرى رەجيسسەر، پروديۋسەر رەتىندە جارنامالار تۇسىرۋمەن اينالىسىپ ۇلكەن تابىسقا جەتىپ، 300 جارنامالىق روليكتەر شىعارۋمەن قاتار بىرنەشە «التىن جۇلدىز» سىيلىقتارىن يەلەندى. 2003 -جىلى «Sataifilm» ستۋدياسىنىڭ نەگىزىن قالادى.
2007 - جىلى «رەكەتير» اتتى ءوزىنىڭ العاشقى تولىقمەتراجدى فيلمىن ءتۇسىردى. بۇل كوركەم- سۋرەتتى كينونى جۋرناليستەر مەن سىنشىلار جىلى قابىلدادى جانە فيلم - كينوتەاترلاردا كەزەكتە تۇرعان كورەرمەندەردىڭ كوڭىلىنەن شىقتى. «رەكەتير» - قازىرگى قازاق كينوسىنىڭ تاريحىنداعى ەڭ العاشقى كاسسالىق فيلم. اتالعان كارتينا پروكاتتاعى باستاپقى كۇندەرىندە 1 ميلليون 150 مىڭ دوللار جيناپ، قازاقستاننىڭ بوكس- وففيسىندە مەگاحيتكە اينالدى.
كەلەسى ساتىدا - «قازاقستان» ۇلتتىق تەلەارناسىنىڭ تاپسىرىسى بويىنشا تۇسىرىلگەن «اعايىندى» سەريالى. اقان ساتايەۆ بۇل ەڭبەگىندە ءۇش اعايىندىنىڭ تاعدىرلارىن قاتار باياندايدى. مەملەكەتتىك تاپسىرىستىڭ شاراسىز شىعىندارىمەن كەزدەسكەنىنە قاراماستان، ءبىرقاتار اكتەرلاردى جۇلدىزدار قاتارىنا شىعارادى - اتاپ ايتقاندا، بەرىك ايتجانوۆ، ءانۋار نۇرپەيىسوۆ، نۇرلان ءالىمجانوۆ جانە ت. ب.
رەجيسسەردىڭ كينو جانە تەلەديدار سالاسىنداعى ءساتتى تاجىريبەلەرىنەن كەيىن، «اداسقان» اتتى جاڭا فيلمدى، كورەرمەندەر ۇلكەن قىزىعۋشىلىقپەن كۇتتى. الماتى وبلىسىنىڭ دالاسىندا تۇسىرىلگەن ميستيكالىق تريللەر، كورەرمەندى ءبىرىنشى مينۋتتان سوڭعى مينۋتقا دەيىن شيەلەنىستىرسە، اندرەي مەرزليكين مەن ونىڭ ارىپتەستەرى تۇڭعىشباي جامانقۇلوۆ پەن ايعانىم سادىقوۆانىڭ شەبەر ويىنى ەكراننان باس تارتۋعا مۇمكىنشىلىك بەرمەيدى. كوممەرتسيالىق جاعىنان «اداسقان» كينوسىنىڭ «رەكەتير» فيلمىنەن پايداسى كەم بولعانىمەن، ول - ساتايەۆتىڭ شىعارماشىلىعىنداعى جاڭا كەزەڭ بولىپ تابىلادى، جانە قازاقستاننىڭ وسكارلىق كوميتەتى ءدال وسى كوركەم- سۋرەتتى امەريكاندىق كينو ونەرىنىڭ جانە عىلىمدار اكادەمياسىنىڭ نوميناتسياسى بويىنشا «شەتەل تىلىندە قويىلعان ەڭ جاقسى فيلم» سىيلىعىن الۋ ءۇشىن تاڭداۋى كەزدەيسوق ەمەس.
الداعى «جاۋجۇرەك مىڭ بالا» تاريحي جىرىنىڭ ءتۇسىرىلۋىن ازىرلەۋشى جانە قازىرگى «اينالايىن» سەريالىنىڭ پروديۋسەرلىك ءرولىن اتقارىپ وتىرعان اقان ساتايەۆ «ليكۆيداتوردى» تۇسىرگەندە، پسيحولوگيالىق درامامەن ۇيلەسكەن بويەۆيك جانرىنا سۇيەندى.