ءبىز جان-جاقتى دامۋعا بارلىق جاعداي جاسالعان ەلدە تۇرىپ جاتىرمىز
ونىڭ ايتۋىنشا، ەلىمىز وتە قيىن-قىستاۋ كەزەڭدەردە ەگەمەندىگىن الدى.
«ەستەرىڭىزدە بولار، بۇل ەكونوميكا مەن الەۋمەتتىك جاعدايدىڭ ابدەن تۇرالاعان، ادامدار اشتىقتىڭ از-اق الدىندا تۇرعان، تىرشىلىگىن ازەر كورىپ جۇرگەن كەزى ەدى. سول كەزدەگى جالعىز ءۇمىتىمىز - ەلباسى نۇرسۇلتان نازاربايەۆتا ەدى. ول ەلىمىزدى جەتىستىككە جەتكىزىپ قانا قويماي، كۇللى الەم ساناساتىن دامىعان ەلدەردىڭ قاتارىنا قوسامىن دەپ ناقتى ايتتى. جانە سول ۋادەسىن تولىعىمەن ورىنداپ شىقتى»، - دەيدى يۋ. دەنيسەنكو.
ونىڭ پىكىرىنشە، بۇگىندە ءار قازاقستاندىق ءوز ەلىن ماقتانىش ەتە الادى. قازىر ەكونوميكامەن قاتار، الەۋمەتتىك سالاعا دا قىرۋار قاراجات قۇيىلۋدا.
«شىندىعىندا، ءبىزدىڭ ۇلتارالىق جانە كونفەسسياارالىق ساياساتىمىزعا بارلىق مەملەكەتتەر قىزىعا قارايدى. ءبىزدىڭ پرەزيدەنتىمىز ءۇش جىلدا ءبىر رەت وتەتىن دىندەر سەزىندە بارلىق الەمدىك دەڭگەيدەگى دىندەردىڭ باسشىلارىن بىرىكتىرىپ، ۇلكەن ءىس اتقاردى. بۇل بۇگىندە داستۇرگە اينالدى دەپ ايتۋعا بولادى. بۇل شىندىعىندا ەلباسىنىڭ عالامدىق دەڭگەيدەگى بەيبىتشىلىك پەن كەلىسىمگە قوسقان قوماقتى ۇلەسى»، - دەدى ورتالىق جەتەكشىسى.
يۋليا دەنيسەنكو سونداي-اق قازاقستان حالقى اسسامبلەياسىنىڭ ماڭىزىن دا اتاپ ءوتتى. ونىڭ ايتۋىنشا، بۇگىندە 130 دان استام ۇلت وكىلدەرى ءبىر شاڭىراق استىندا تاتۋ-ءتاتتى ءومىر سۇرۋدە. قازاقستاندا ولاردىڭ بارلىعىنىڭ مادەنيەتى مەن ونەرى قولداۋ تابۋدا. ولاردىڭ ءارقايسىسى بۇل ەلدە ءوزىنىڭ ۇلتتىق ەرەكشەلىگىن ساقتاي وتىرىپ، تولىققاندى قازاقستاندىق دەپ اتالۋعا قۇقىلى، دەيدى ول.
«مەن ۇنەمى الەۋمەتتىك جەلىلەردە ءتۇرلى ەتنوس وكىلدەرى تاۋەلسىزدىك كۇنىن قالاي تويلاپ جاتقاندارى تۋرالى سۋرەتتەرىن سالعان كەزدە ەرەكشە شاتتانامىن. شىن مانىندە وسىنداي ساتتەردە ءوز ەلىڭ ءۇشىن رياسىز قۋاناسىڭ. بۇل ەلدە ءاربىر قازاقستاندىقتىڭ ەشبىر شەكتەۋسىز دامىپ، بالا-شاعاسىن ءوسىرىپ، ءبىلىم بەرىپ، باياندى بولاشاعىنا سەنە الاتىنى ءۇشىن شەكسىز باقىتتى بولاسىڭ. وسىناۋ كەرەمەت مەرەكەمەن بارلىقتارىڭىزدى قۇتتىقتايمىن، قۇرمەتتى قازاقستاندىقتار! اشىق اسپان، تاۋسىلماس باقىت تىلەيمىن!»، - دەيدى يۋليا دەنيسەنكو.
اۆتور: ءابۋ-اسقار مەكەش ۇلى