پاكىستان پرەمەر-ءمينيسترى ءولىم جازاسىنا جاريالانعان موراتوريدى الىپ تاستادى
17:22, 17 - جەلتوقسان 2014
استانا. قازاقپارات - پاكىستاننىڭ پرەمەر-ءمينيسترى ناۆاز شاريف 140 ادامنىڭ ءومىرىن قيىپ كەتكەن پەشاۆارداعى تالىپتەردىڭ شابۋىلىنان كەيىن ءولىم جازاسىنا جاريالانعان موراتوريدى الىپ تاستادى.
«پرەمەر-مينيستر موراتوريدى توقتاتۋ ۇسىنىسىن قولداپ، الىپ تاستاۋ تۋرالى شەشىم قابىلدادى»، - دەپ مالىمدەدى پاكىستان ۇكىمەتىنىڭ وكىلى.
تالىپتەردىڭ مەكتەپكە جاساعان شابۋىلى كەزىندە 132 وقۋشى، 9 مۇعالىم جانە توعىز ءتالىپ قازا بولدى. جاسالعان شابۋىل ءۇشىن جاۋاپكەرشىلىكتى پاكىستاندىق تالىپتەر موينىنا الدى. تالىپتەردىڭ وكىلى «ءبىز وسىلاي پاكىستان ۇكىمەتى سودىرلاردىڭ وتباسىنا قارسى جۇرگىزگەن وپەراتسيالارى ءۇشىن كەك قايتاردىق»، - دەپ مالىمدەدى.
«حابار»