ايدىڭ ەكىنشى جارتىسىنا ەشقاشان جارىق تۇسپەيدى
سۋرەتتىڭ ساپاسى ماڭىزدى ەمەس بولاتىن. سەبەبى سول ۋاقىتقا دەيىن مۇمكىن بولماعان ايدىڭ قاراڭعى بەتىن كورۋ عالىمداردى قۋانتقان ەدى.
راسىندا اي بىزگە تەك ءبىر جاعىمەن عانا اينالادى. ال ونىڭ ەكىنشى جارتىسى ءبىزدىڭ كوزدەن تاسادا قالعان. بۇل ايدىڭ جەردى اينالۋ جيىلىگى مەن ءوز وسىندە اينالۋ جيىلىگى تەڭدىگىنە بايلانىستى. ناقتىراق ايتساق، اي جەرگە جاقىنداعان سايىن جەردىڭ تارتىلۋ كۇشىنە بەيىمدەلىپ، ءوز اينالۋ جيىلىگىن باسەڭدەتىپ العان.
وسىنداي تەوريالار ايدىڭ بىزگە بەلگىسىز جارتى شارىنا مۇلدە كۇن ساۋلەسى تۇسپەيتىنىن دالەلدەيدى. ءبىراق بۇل شىندىققا جاناسپايتىن گيپوتەزا. كەز- كەلگەن عارىش نىسانى سەكىلدى اي دا جەر جانە ءوزىنىڭ ءوسى بويىمەن اينالادى. ءبىر قىزىعى، ايدىڭ ءبىر تاۋلىگى (جەردى اينالۋ جيىلىگى) جەردىڭ 29,5 تاۋلىگىنە (ءوز ءوسىنىڭ اينالۋ جيىلىگى) تەڭ.
ايدىڭ قوزعالىسىن ونىڭ وزگەرۋ فازاسىنا قاراپ باقىلاۋعا بولادى. ۋاقىت جيىلىگىندە ايدىڭ تولىق نەمەسە جارتىلاي كورىنەتىن بەينەسى وزگەرەدى، ياعني ايدىڭ جارتى شارىنىڭ كەز- كەلگەن ايماعى ءار 15 تاۋلىك سايىن ءبىر رەت كۇن ساۋلەسىنە شاعىلادى. اي قاتپارى كۇندىزگى ۋاقىتتا + C 115 ° تەمپەراتۋرادا ىسىپ، تۇندە -170, كەيدە - C 240 ° - قا دەيىن تومەندەپ كەتەدى. ەندەشە ايدىڭ جارىق تۇسپەيتىن بولىگىندە بولاتىن تەمپەراتۋرانى ەلەستەتۋدىڭ ءوزى مۇمكىن ەمەس.
massaget.kz