باراك وباما قازاقستان حالقىن تاۋەلسىزدىك كۇنىمەن قۇتتىقتادى
بۇل تۋرالى ا ق ش مەملەكەتتىك دەپارتامەنتىنىڭ باسپا ءسوز قىزمەتىنە سىلتەمە جاساي وتىرىپ، ۆاشينگتوننان 24.kz تەلەارناسىنىڭ مەنشىكتى ءتىلشىسى جىگەر سارسەن حابارلايدى.
مەملەكەتتىك حاتشى دجون كەرري ءوزىنىڭ ارنايى مالىمدەمەسىندە پرەزيدەنت باراك وباما مەن ا ق ش حالقىنىڭ اتىنان قازاقستان حالقىن تاۋەلسىزدىك مەرەكەسىمەن قۇتتىقتاعان سالەمىن جەتكىزدى.
«ا ق ش - 1991 - جىلى قازاقستان تاۋەلسىزدىگىن تانىعان ەڭ العاشقى ەل. سودان بەرگى 23 -جىل ىشىندە ءبىزدىڭ ءوزارا دوستىعىمىز تەك نىعايىپ كەلەدى. ءبىز ەكونوميكا، ەنەرگەتيكا جانە قاۋىپسىزدىك سالالارىنلداعى ءوزارا بايلانىستارىمىزدى بەكىتە تۇسۋگە مۇددەلىمىز. بۇعان قوسا قازاقستاننىڭ ۇكىمەتتىك ورگاندارىمەن ازاماتتىق قوعام، جەكەمەنشىك سەكتور مەن ادام قۇقىقتارىن ىلگەرىلەتۋ، سونداي-اق دەمروكراتيالىق بولاشاق قالىپتاستىرۋ جولىندا بىرىگىپ جۇمىس جاساي بەرەتىن بولامىز. وسىناۋ ۇلىق كۇندە الدا كەلە جاتقان جاڭا جىلدان قازاقستان حالقىنا بەيبىتشىلىك پەن وركەندەۋ تىلەيمىن» دەلىنگەن قۇتتىقتاۋدا.