تاۋەلسىزدىك تولعاۋى: الماتى الەۋمەتى مەن وركەنيەتى قايتا جاندانعان جاڭا كەزەڭگە اياق باستى - ا. ەسىموۆ
ال بۇل جەردە قازاقستاننىڭ تاۋەلسىزدىگى مەن ەگەمەندىگىنىڭ التىن بەسىگى اتانعان - الماتىنىڭ الاتىن ورنى ەرەكشە.
قالا باسشىسى احمەتجان ەسىموۆ بۇگىن قالا تۇرعىندارىن تاۋەلسىزدىك كۇنىمەن قۇتتىقتاي وتىرىپ، وسىلاي دەپ مالىمدەدى.
«حالقىمىزدىڭ سان عاسىرلىق تاريحىندا ەركىندىك دەگەندە ەلەڭ ەتپەگەن كەز بولعان ەمەس. ەندى مىنە، سول بابالار ارمانداپ وتكەن ب ا ق - تاۋەلسىزدىككە قول جەتكىزگەلى دە 23 جىلدىڭ ءجۇزى بولدى.
بۇگىندە ەلىمىز بەن اسەم قالامىز الماتى - الەۋمەتى مەن مادەنيەتى، ونەرى مەن وركەنيەتى قايتا جاندانعان جاڭا كەزەڭگە اياق باستى. مۇنىڭ ءوزى - ەلباسىمىز نۇرسۇلتان نازاربايەۆتىڭ ساليقالى ساياساتى مەن سوناۋ 1991 - جىلى حالقىمىزدىڭ قالاۋى، ەلدىڭ تاڭداۋى بولعان تاۋەلسىزدىكتىڭ ارقاسىندا كەلگەن ۇلى نەسىبە. وسى ۋاقىت ىشىندە ءبىز تەك ەلدىككە قول جەتكىزىپ قانا قويعان جوقپىز. ءبىز مەملەكەتىمىزدىڭ ەكونوميكاسىن اياعىنان تىك تۇرعىزىپ، حالقىمىزدىڭ الەۋمەتتىك احۋالىن تۇزەدىك»، - دەدى ا. ەسىموۆ.
اكىمنىڭ ايتۋىنشا، بۇگىندە وڭتۇستىك استانا - قازاقستاننىڭ عانا ەمەس، بۇكىل ورتالىق ازيا ايماعىنىڭ ەكونوميكالىق، ءبىلىم، مادەني جانە سپورتتىق ورتالىعىنا اينالۋدا. قالادا ەكونوميكانىڭ بارلىق سەكتورى جىل ساناپ دامىپ كەلەدى. ال بۇعان جۇزدەگەن مىڭ الماتىلىقتاردىڭ قاجىرلى ەڭبەگىنىڭ ارقاسىندا قول جەتكىزىلىپ وتىر.
«مەملەكەت باسشىسى نۇرسۇلتان نازاربايەۆ ءوزىنىڭ بيىلعى جولداۋىندا اتاپ وتكەنىندەي، «نۇرلى جول» جاڭا ەكونوميكالىق ساياساتى - الەمنىڭ ەڭ دامىعان 30 ەلىنىڭ قاتارىنا بارۋ جولىنداعى ءبىزدىڭ اۋقىمدى قادامىمىز. سونىمەن قاتار، ەلباسى بۇل جولداۋدا: «ءبىزدىڭ ازاماتتارىمىز زاماناۋي، ساپالى اۆتوماگيسترالدارمەن جۇرەتىن بولادى. ەلىمىزدە الەۋمەتتىك ينفراقۇرىلىمدار جاقسارادى. جاڭا، زاماناۋي ۇلگىدە سالىنعان مەكتەپتەر مەن اۋرۋحانادار ساپالى قىزمەت كورسەتەتىن بولادى. قورىتا كەلگەندە، مۇنىڭ بارلىعى ءاربىر قازاقستاندىقتىڭ ءال-اۋقاتى مەن ومىرىنە وڭ اسەر ەتەدى» - دەگەن بولاتىن.
وسى ورايدا، سۇيىكتى قالامىز، قازاقستاننىڭ تاۋەلسىزدىگى مەن ەگەمەندىگىنىڭ التىن بەسىگى اتانعان - الماتىنىڭ الاتىن ورنى ەرەكشە. ەل تاۋەلسىزدىگىنىڭ العاشقى جىلدارىندا قالامىزدا ساياسي-ەكونوميكالىق، رۋحاني-الەۋمەتتىك ىستەر باستاۋ الىپ، كوپتەگەن مەملەكەتتىك شەشىمدەر قابىلداندى.
بۇل - بارشا الماتىلىقتار ءۇشىن ۇلكەن ابىروي. ەندەشە، تاۋەلسىزدىك مەرەكەسىمەن قۇتتىقتاي وتىرىپ، بارشاڭىزعا قۋانىش پەن شاتتىق، دەندەرىڭىزگە ساۋلىق، وتباسىلارىڭىزعا اماندىق پەن بەرەكە تىلەيمىن، - دەدى ءسوزىنڭ سوڭىندا احمەتجان ەسىموۆ.
اۆتور: جاپپاربەرگەن ايبوتا