پۋتين ن. نازاربايەۆتى قازاقستاننىڭ تاۋەلسىزدىگى كۇنىمەن قۇتتىقتادى
«رەسەي مەملەكەتىنىڭ باسشىسى قازاقستاننىڭ ەكونوميكالىق، الەۋمەتتىك جانە عىلىمي-تەحنيكالىق سالالارداعى جەتىستىكتەرىن جوعارى باعالاپ، ەلدىڭ الەمدىك ارەناداعى لايىقتى ابىرويى مەن حالىقارالىق كۇن تارتىبىندەگى ماڭىزدى ماسەلەلەردى شەشۋدەگى ماڭىزدى قۇرىلىمدىق ءرولىن اتاپ ءوتتى»، - دەپ حابارلادى رەسەي فەدەراتسياسى پرەزيدەنتىنىڭ باسپا ءسوز قىزمەتىنەن.
رەسەي پرەزيدەنتى رەسەي مەن قازاقستان اراسىنداعى قارىم-قاتىناستاردىڭ دوستىق، سەرىكتەستىك جانە تاتۋ كورشىلىك سيپاتىن، سونداي-اق ەۋرازيالىق ەكونوميكالىق وداقتى ىسكە قوسۋمەن بايلانىستى ءتۇرلى باعىتتارداعى ەكىجاقتى ىنتىماقتاستىعىنىڭ جاڭا بولاشاعىن اتاپ ءوتتى.
ۆ. ۆ. پۋتين رەسەي مەن قازاقستان حالىقتارىنىڭ ەۋرازيالىق كەڭىستىكتە ينتەگراتسيالىق ۇدەرىستەردى جەدەلدەتۋ، ايماقتىق تۇراقتىلىق پەن قاۋىپسىزدىكتى قامتاماسىز ەتۋدە ەكىجاقتى نەگىزدە دە، كوپجاقتى نەگىزدە دە ءوزارا ءتيىمدى بايلانىستاردى ودان ءارى كەڭەيتۋگە دەگەن سەنىمدىلىگىن ءبىلدىردى.