تاۋەلسىزدىك تولعاۋى: ازات ەلدىڭ جاڭا استاناسى - تاۋەلسىزدىكپەن بىرگە بوي تۇزەدى - ءا. جاقسىبەكوۆ
«سىزدەردى قازاقستان رەسپۋبليكاسىنىڭ تاۋەلسىزدىك كۇنى مەرەكەسىمەن شىن جۇرەكتەن قۇتتىقتايمىن!
تاۋەلسىزدىك - قاشاندا قاستەرلى سەزىمگە تولى كيەلى ۇعىم. ەلباسىنىڭ دارا ساياساتى مەن تەرەڭ پاراساتىنىڭ ارقاسىندا ەلىمىز ەرەن جەتىستىكتەرگە قول جەتكىزىپ، اسقارالى اسۋلاردى باعىندىردى، الەم ەلدەرى اراسىنداعى ابىرويىن اسىردى. ازات ەلدىڭ جاڭا استاناسى - تاۋەلسىزدىكپەن بىرگە بوي تۇزەدى.
ەلىمىزدىڭ ەگەمەندىگىنە ەكپىن بەرىپ، تاۋەلسىزدىگىنە تۇعىر بولعان، قوعامدى جارقىن بولاشاققا، كەمەل كەلەشەككە باستايتىن ماڭىزدى شەشىمدەردىڭ بارلىعى دا وسى باس شاھاردا قابىلدانىپ جاتىر.
بۇل رەتتە، ەگەمەن ەلىمىز بەن ەڭسەلى ەلوردامىزدىڭ بۇگىنگى بەيبىت ءومىرى مەن اسەم اجارى - قاشاندا ابىروي بيىگىنەن، كاسىبي بىلىگىنەن اينىماعان ەلباسىمىز، ۇلت كوشباسشىسى نۇرسۇلتان نازاربايەۆتىڭ ەسەلى ەڭبەگى مەن قاجىر-قايراتىنىڭ جەمىسى دەپ بىلەمىن.
بۇل كۇندە بارشالارىڭىزدىڭ دەندەرىڭىزگە ساۋلىق، وتباسىلارىڭىزعا اماندىق، قىزمەتتەرىڭىزگە تولاعاي تابىستار تىلەيمىن، دەلىنگەن استانا اكىمىنىڭ قۇتتىقتاۋىندا.