مۇناي باعاسىنىڭ تومەندەۋى تۇرعىسىندا ش ى ۇ ەنەرگەتيكالىق كلۋبى ءۇشىن جاڭا مۇمكىندىكتەر اشىلىپ وتىر - ر ف پرەمەر- ءمينيسترى
22:08, 15 - جەلتوقسان 2014
استانا. قازاقپارات - مۇناي باعاسىنىڭ تومەندەۋى تۇرعىسىندا ش ى ۇ ەنەرگەتيكالىق كلۋبى ءۇشىن جاڭا مۇمكىندىكتەر اشىلىپ وتىر. بۇل تۋرالى بۇگىن ەلورداداعى تاۋەلسىزدىك سارايىندا شاڭحاي ىنتىماقتاستىق ۇيىمىنا مۇشە- مەملەكەتتەردىڭ ۇكىمەت باسشىلارى كەڭەسىنىڭ كەڭەيتىلگەن وتىرىسىندا ر ف ۇكىمەتىنىڭ ءتوراعاسى دميتريي مەدۆەديەۆ ءمالىم ەتتى.
«الەمدىك شيكىزات نارىقتارىندا، ءبىرىنشى كەزەكتە كومىرسۋتەكتەر شيكىزاتى - مۇناي مەن گاز نارىعىنداعى اعىمداعى اۋىتقۋلاردى ەسكەرە وتىرىپ، ەنەرگەتيكالىق كلۋب ءۇشىن جاڭا مۇمكىندىكتەر اشىلىپ وتىر. ەنەرگەتيكالىق قاۋىپسىزدىك ماسەلەلەرىن قاراستىرۋ ءۇشىن جانە نارىققا بارلىق قاتىسۋشىلاردىڭ، ياعني وندىرۋشىلەردى، ترانزيتتىك مەملەكەتتەردى جانە ەنەرگيا رەسۋرستارىن تۇتىنۋشىلاردىڭ ۇستانىمدارىن جاقىنداستىرۋ ءۇشىن بۇل الاڭدى بەلسەندى پايدالانۋ كەرەك»، - دەدى ر ف ۇكىمەت باسشىسى.
ەستەرىڭىزگە سالا كەتەيىك، شىۇ ەنەرگەتيكالىق كلۋبى وتكەن جىلدىڭ جەلتوقسانىندا قۇرىلعان بولاتىن.
اۆتور: رۋسلان عابباسوۆ