قازاقتىڭ «ءابىلقايىر حان» دەرەكتى فيلمى مەملەكەت ارالىق «مير» تەلەارناسىنان كورسەتىلەدى

الماتى. قازاقپارات- «ءابىلقايىر حان» دەرەكتى فيلمى مەملەكەتارالىق «مير» تەلەارناسىنان كورسەتىلەدى.

بۇل تۋرالى بۇگىن الماتىدا تاۋەلسىزدىك كۇنى مەن الداعى جىلى قازاق حاندىعىنىڭ 550 جىلدىعى اتاپ وتىلەتىندىگىنە وراي، «تۇلعالار جولى» سەرياسى اياسىندا تۇسىرىلگەن «ءابىلقايىر حان» دەرەكتى فيلمىنىڭ تۇساۋكەسەر راسىمىندە، اتالمىش تۋىندىنىڭ سسەناري اۆتورى، «مير» تەلە راديوكومپانياسىنىڭ ۇلتتىق فيليالىنىڭ ديرەكتورى اسقار ءالىمجانوۆ مالىمدەدى.

«ءبىزدىڭ ماقساتىمىز تاۋەلسىز قازاقستاننىڭ جاستارىن تاريحتى تەرەڭ وقۋعا شاقىرۋ. ويتكەنى قازاق حالقىنىڭ تاريحى - وتە باي تاريح. قازاق تاريحىندا وشپەس ءىز قالدىرعان تالاي ۇلى تۇلعالارىمىز بار. ولاردىڭ ءبىرقاتارىن بۇگىنگى وسكەلەڭ ۇرپاق بىلە بەرمەيدى. سولاردىڭ ءبىرى - بۇلانتى (1727 ج. ) جانە اڭىراقاي شايقاستارىندا (1727 ج. ) قازاق قولىن باسقارعان اتاقتى قولباسشى، كىشى ءجۇزدىڭ حانى - ءابىلقايىر. ونىڭ ءومىرى شىتىرمان وقيعالارعا تولى. قازاق حاندىعىنىڭ رەسەيمەن قوسىلۋى جولىندا ماڭىزدى ءرول اتقارعان تۇلعا»، - دەدى ا. ءالىمجانوۆ.

 سونىمەن قاتار، اسقار ءالىمجانوۆتىڭ ايتۋىنشا، العاشىندا قازاقتىڭ سوڭعى حاندارى تۋرالى بىرنەشە دەرەكتى فيلم ءتۇسىرۋ كوزدەلگەن ەكەن. ءبىراق ءابىلقايىر حاننىڭ ءومىرى فيلم تۇسىرۋشىلەردى قاتتى قىزىقتىرعان. سودان، ول تۋرالى ارنايى فيلم ءتۇسىرۋ  ۇيعارىلىپتى.

 ايتا كەتەلىك، فيلمدى تۇسىرۋگە 1,5 جىل ۋاقىت كەتكەن جانە 2,5 ميلليون تەڭگە جۇمسالعان. سونداي- اق، « ءابىلقايىر حان» دەرەكتى فيلمى 14 مينۋتتان 6 سەرياعا بولىنگەن. ەرتەڭنەن باستاپ، مەملەكەت ارالىق «مير» تەلەارناسىندا كورسەتىلە باستايدى.

 اۆتور: جاپپاربەرگەن ايبوتا