داعدارىستى جىلدارى ءبىز زەينەتاقىنى بۇگىنگى دەڭگەيدە ساقتاۋعا مىندەتتىمىز - ەلباسى
«بالكىم، وسى قيىن- قىستاۋ كۇندەرى ءبىز زەينەتاقىنى نەمەسە جالاقىنى بۇدان ارىگە كوتەرە الماسپىز، الايدا بۇگىنگى دەڭگەيدى ساقتاۋعا مىندەتتىمىز»، - دەدى نۇرسۇلتان نازاربايەۆ. بۇل رەتتە ەلباسى داعدارىس تا، قيىن كۇندەر دە ارتتا قالاتىنىن، سول ۋاقىتتا قازاقستان ءوزى قولعا العان ساياساتقا قايتا ورالاتىنىن جەتكىزدى.
«شىنىندا دا، الدىمىزدا اۋمالى- توكپەلى زامان كەلە جاتىر. تۇتاس دۇنيەنى شارلاعان داعدارىستار بۇگىنگى كۇننىڭ باستى سيپاتىنا اينالىپ وتىرعانىن كورىپ وتىرسىزدار. جاھاندىق ەكونوميكا كەزەكتى رەت سوقتىقپالى- سوقپاقتى جولعا اياق باسقان سەكىلدى. بىزگە دە وڭاي بولمايدى، سوندىقتان دا ءبىز الداعى سىن- قاتەرلەرگە دايىن بولۋعا ءتيىسپىز. ءبىز جاعداي شيرىققان سايىن شىنىعۋعا، كەدەرگىگە كەزدەسكەن سايىن كەنەلى سەرپۋ مەن قۋات جيناۋعا دايىندالدىق. الىستى كوزدەگەن دامۋ جولىندا كەزدەسەتىن ۋاقىتشا كەدەرگىلەرگە مويىمايمىز، ەڭسەنى تۇسىرمەي، ەرتەڭگە سەنىممەن قارايمىز. مەن بۇل داعدارىستى دا ەڭسەرەتىنىمىزگە سەنىمدىمىن»، - دەدى ن. نازاربايەۆ.
اۆتور: قانات مامەتقازى ۇلى