ەلباسى: مەملەكەت ءوز ەڭبەگىمەن، تابىستارىمەن كوزگە تۇسكەن ازاماتتاردى لايىقتى باعالاپ وتىر - فوتو
سالتاناتتى شارانى اشقان نۇرسۇلتان نازاربايەۆ تاۋەلسىزدىك جىلدارى قازاقستان ءوز ازاماتتارىنىڭ ەڭبەگى ارقاسىندا مەملەكەت قۇرۋ، ەكونوميكانى نىعايتۋ، الەۋمەتتىك دامۋ، ەلدەگى دوستىق پەن تۇراقتىلىقتى ساقتاۋ ىسىندە زور تابىسقا جەتكەنىن اتاپ ءوتتى.
- جىل وتكەن سايىن جەتىستىكتەرىمىز ەسەلەپ ارتىپ كەلەدى. بۇل دا ەكونوميكا، ساياسات جانە مادەنيەتتىڭ بارلىق سالاسىنداعى ەڭبەكتىڭ ناتيجەسى. بۇگىن ءبىز قۇرمەت كورسەتىپ وتىرعان جانداردىڭ ءبارى كاسىپقويلىعى ارقاسىندا ءوز ۇجىمدارىندا ۇلكەن سىي- قۇرمەتكە جانە داۋسىز بەدەلگە يە بولدى. مەملەكەتتىك ماراپاتتار ولاردىڭ ولشەۋسىز ۇلەستەرىن كورسەتەدى، - دەدى قازاقستان پرەزيدەنتى.
نۇرسۇلتان نازاربايەۆ ءوز ەڭبەگىمەن، تابىستارىمەن كوزگە تۇسكەن ازاماتتاردى مەملەكەتتىڭ لايىقتى باعالاپ وتىرعانىنا توقتالدى.
- «قازاقستاننىڭ ەڭبەك ەرى» اتاعى ءوز ونەرى ارقىلى ەلىمىزدى دۇنيە جۇزىنە تانىتىپ كەلە جاتقان ايمان مۇساقوجايەۆاعا بەرىلدى. ول ونەردى شەبەر مەڭگەرىپ قانا قويماي، قايراتكەرلىگىمەن دە كوزگە ءتۇستى. بۇگىندە ءوزى باسقاراتىن ۇلتتىق ونەر ۋنيۆەرسيتەتىن ەلىمىزدىڭ ماڭداي الدى مۋزىكالىق وقۋ ورنىنا اينالدىردى. ول جاڭا ەلوردادا كونسەرۆاتوريا اشۋ ىسىنە العاشقىلاردىڭ ءبىرى بولىپ ءۇن قاتتى. «الەم ءارتىسى» اتاعىنا يە بولا وتىرىپ، ول بارلىق حالىقارالىق كونكۋرستارعا بەلسەنە قاتىسىپ كەلەدى. بولاشاقتا ونى اسىرەسە وسكەلەڭ ۇرپاق تاربيەلەۋگە بايلانىستى كوپ جۇمىس كۇتىپ تۇر، - دەدى مەملەكەت باسشىسى.
قازاقستان پرەزيدەنتى «وتان» وردەنىمەن ماراپاتتالعان گ. پروكوپتىڭ قىرىق جىلدان استام ۋاقىت اگرارلىق سالادا ەڭبەك ەتكەنىن، ونىڭ وتىز جىلعا جۋىعىن ءبىر عانا كاسىپورىنعا ارناعانىن ايتتى.
- ۇزدىك وندىرىستىك كورسەتكىشتەرىمەن قاتار، ول باسقاراتىن شارۋاشىلىق اۋىل حالقىنا الەۋمەتتىك قولداۋ كورسەتۋ جاعىنان دا ۇلگى ەتۋگە لايىق، - دەدى نۇرسۇلتان نازاربايەۆ.
مەملەكەت باسشىسى II دارەجەلى «بارىس» وردەنىمەن ماراپاتتالعان سەيىتحان جوشىبايەۆ قۇرعان كارديوحيرۋرگيا ورتالىعى تالاي ادامنىڭ ءومىرىن ساقتاپ قالعانىن اتاپ ءوتتى.
ونەردەگى ەرەن ەڭبەگى ءۇشىن ا. ءاشىموۆ I دارەجەلى «دوستىق» وردەنىمەن ماراپاتتالدى
- اسانالى اشىموۆتەي تۇلعالاردى جاس بۋىنعا ۇلت زيالىسى رەتىندە ۇلگى ەتۋىمىز كەرەك، - دەدى مەملەكەت باسشىسى.
قازاقستان پرەزيدەنتى «قۇرمەت» وردەنىنە يە بولعان ش. ۋماروۆ بىردەن ءتورت تىلدە ءبىلىم بەرۋ ىسىنە نەگىز سالعان گيمنازيانى وتىز جىلدان استام ۋاقىتتان بەرى باسقارىپ كەلە جاتقانىن ەسكە سالدى.
مەملەكەت باسشىسى ناگرادالارمەن تەك ءوز قىزمەتتىك مىندەتتەرىن ادال اتقارعاندار عانا ەمەس، كۇش- جىگەرى مەن دەنساۋلىعىن اياماستان ودان دا ۇلكەن ءىس تىندىرعان جاندار ماراپاتتالىپ وتىرعانىن ايتتى.
- ءورت ءسوندىرۋ بولىمشەسىنىڭ كومانديرى رۇستەم مۋسين وتقا ورانعان ۇيدەن ەكى بىردەي ءبۇلدىرشىندى كوتەرىپ الىپ شىقتى جانە تاعى ءبىر ادامدى قۇتقارىپ قالدى. ونىڭ جانقيار ءىسى «ەرلىگى ءۇشىن» مەدالىمەن ماراپاتتالادى، - دەدى قازاقستان پرەزيدەنتى.
نۇرسۇلتان نازاربايەۆ مەملەكەتتىك ناگرادالارمەن ءتۇرلى قىزمەت سالاسىنىڭ وكىلدەرى ماراپاتتالعانىن ايتتى.
- بۇگىن جوعارى ناگرادالار عالىمدارعا، مەملەكەت قايراتكەرلەرىنە، بيزنەس، قوعامدىق ۇيىمدار وكىلدەرىنە، مادەنيەت پەن ونەر، ءبىلىم بەرۋ جانە دەنساۋلىق ساقتاۋ سالاسى قايراتكەرلەرىنە، وندىرىسشىلەرگە، اسكەريلەرگە، قۇقىق قورعاۋ ورگاندارى قىزمەتكەرلەرىنە بەرىلەدى. ولاردىڭ ءارقايسىسىنىڭ قازاقستاننىڭ يگىلىگى جولىنداعى ادال جۇمىس تاجىريبەسى، شىن مانىندە ماقتان ەتۋگە تۇراتىن ەڭبەگى بار، - دەدى مەملەكەت باسشىسى.
قازاقستان پرەزيدەنتى بۇگىندە مەملەكەت وتاندىق مادەنيەت مەن ونەرگە جان- جاقتى قولداۋ كورسەتىپ وتىرعانىنا توقتالدى.
- بۇل سالانىڭ ءرولى اسا ماڭىزدى. ەكونوميكادا قيىندىق بولعان جىلدارى ءبىز ونەر ءمان مادەنيەتىمىزگە ءىس جۇزىندە ەشقانداي كومەك كورسەتە العان جوقپىز. قازىر جاعداي وزگەردى. تۇرمىس جاقساردى، تيىسىنشە حالىقتىڭ رۋحاني سۇرانىسى دا ارتتى. ناعىز تۇلعانى ناق وسى ادەبيەت پەن ونەر تاربيەلەيدى. كوركەم شىعارما قازىرگى قوعامدا ءومىر سۇرەتىن جاڭا ادامدى قالىپتاستىرادى، - دەدى نۇرسۇلتان نازاربايەۆ.
ەلباسى مەملەكەتتىك سىيلىق تاۋەلسىزدىگىمىزدىڭ نەگىزىنە اينالعان ۇلتتىق قوزعالىسقا ارنالعان «تار كەزەڭ» تاريحي رومانى ءۇشىن جازۋشى ق. مۇحانبەتقالي ۇلىنا بەرىلگەنىن ايتتى.
- بۇل سىيلىق «كەشىرىڭدەر كەلگەنىمدى ومىرگە» ولەڭدەر جيناعى ءۇشىن اقىن گ. سالىقبايەۆاعا، «رەكۆيەم» ۆوكالدى- سيمفونيالىق شىعارماسى ءۇشىن كومپوزيتور بالنۇر قىدىربەككە بەرىلەدى. مەملەكەتتىك سىيلىققا «پەسنيا - دۋشا مويا» جەكە كونسەرتى ءۇشىن ءانشى پانتەلەي كەسوگلۋ لايىق دەپ تانىلدى. سونداي- اق اۆتورلار ۇجىمى - اسقار مىرزاحمەتوۆ، باقىتجان اشىربايەۆ، ناسير رۋستاموۆ، ءامىرحان شۇمەنوۆ، نۇرلىجان بوكەبايەۆ قازاقستان رەسپۋبليكاسى تاۋەلسىزدىگىنىڭ 20 -جىلدىعىنا ارنالعان شىمكەنتتەگى تاريحي- مونۋمەنتالدىق ساياباق كەشەنى ءۇشىن وسى سىيلىقپەن اتاپ ءوتىلدى، - دەدى قازاقستان پرەزيدەنتى.
سوڭىندا نۇرسۇلتان نازاربايەۆ بارلىق ماراپات يەلەرىن قۇتتىقتاي وتىرىپ، سىيلىقتار مەن ناگرادالار اتقارعان قىزمەتكە، قازىرگى ناتيجەلەرگە جانە بولاشاق جوسپارلارعا دەگەن مەملەكەتتىڭ العىسىنىڭ كورىنىسى بولىپ سانالاتىنىن اتاپ ايتتى.
***
«قازاقستاننىڭ ەڭبەك ەرى» اتاعى قازاق ۇلتتىق ونەر ۋنيۆەرسيتەتىنىڭ رەكتورى ا. ق. مۇساقوجايەۆاعا بەرىلدى.
«وتان» وردەنىمەن «قازاقستان حالىق بانكى» ا ق ديرەكتورلار كەڭەسىنىڭ ءتوراعاسى ا. س. پاۆلوۆ، قاراعاندى وبلىسىنىڭ «شاحتەرسكوە» ج ش س ديرەكتورى گ. گ. پروكوپ، قازاقستان رەسپۋبليكاسى پارلامەنتى سەناتىنىڭ ءتوراعاسى ق. ك. توقايەۆ؛
1 - دارەجەلى «بارىس» وردەنىمەن «سپورتتىق جەكپە- جەك جانە كۇش قولدانىلاتىن سپورت تۇرلەرى كونفەدەراتسياسى» ز ت ب ءتوراعاسى ت. ا. ق ۇلىبايەۆ؛
Ⅱدارەجەلى «بارىس» وردەنىمەن - ماڭعىستاۋ وبلىسىنىڭ اكىمى ا. س. ايداربايەۆ، قازاقستان رەسپۋبليكاسى پرەزيدەنتىنىڭ ءىس باسقارۋشىسى ا. ا. بيسەمبايەۆ، «عىلىمي- كلينيكالىق كارديوحيرۋرگيا جانە ترانسپلانتولوگيا ورتالىعى» ج ش س ديرەكتورى س. جوشىبايەۆ، قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ق. س. سۇلتانوۆ؛
Ⅲ دارەجەلى «بارىس» وردەنىمەن قازاقستان رەسپۋبليكاسى ءبىلىم جانە عىلىم مينيسترلىگى ەكونوميكا ينستيتۋتىنىڭ باس عىلىمي قىزمەتكەرى ا. قوشانوۆ، ءال- فارابي اتىنداعى قازاق ۇلتتىق ۋنيۆەرسيتەتىنىڭ رەكتورى ع. مۇتانوۆ؛
«پاراسات» وردەنىمەن «نۇر وتان» پارتياسى ءتوراعاسىنىڭ ءبىرىنشى ورىنباسارى ب. بايبەك، الماتى وبلىسىنىڭ اكىمى ا. باتالوۆ، قازاق ۇلتتىق ونەر ۋنيۆەرسيتەتىنىڭ پروفەسسورى، كومپوزيتور ك. دۇيسەكەيەۆ، ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى ب. كومەكوۆ؛
1 - دارەجەلى «دوستىق» وردەنىمەن م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ كوركەمدىك جەتەكشىسى ا. ءاشىموۆ؛
Ⅱ دارەجەلى «دوستىق» وردەنىمەن قازاقستان تەننيس فەدەراتسياسىنىڭ پرەزيدەنتى ب. وتەمۇراتوۆ ماراپاتتالدى.
ءبىر توپ ازاماتتاردىڭ ەڭبەگى «قۇرمەت» وردەنىمەن اتاپ ءوتىلدى، ولاردىڭ قاتارىندا «قازاقستان تەمىر جولى» ۇ ك» ا ق سولتۇستىك قازاقستان وبلىسىنداعى «جاڭا ەسىل جول ديستانسياسى» فيليالىنىڭ جول شەبەرى ك. احمەتوۆ، اقمولا وبلىسى «حلەبوروب» ج ش س بريگاديرى س. ابدىكارىموۆ، اقتوبە وبلىسىنىڭ اكىمى ا. ب. مۇحامبەتوۆ، ق. قۋانىشبايەۆ اتىنداعى قازاق مەملەكەتتىك اكادەميالىق مۋزىكا جانە دراما تەاترىنىڭ اكتەرى ر. ومارحانوۆا، ا. روزىباقيەۆ اتىنداعى № 153 مەكتەپ- گيمنازياسىنىڭ ديرەكتورى ش. وماروۆ، ق ر جوعارعى سوتىنىڭ سۋدياسى ك. شاۋحاروۆ بار.
«قازاقستاننىڭ ەڭبەك سىڭىرگەن قايراتكەرى» اتاعىمەن اقىن، «پروستور» جۋرنالىنىڭ باس رەداكتورى ۆ. ميحايلوۆ؛
1 - دارەجەلى «داڭق» وردەنىمەن قازاقستان رەسپۋبليكاسىنىڭ ىشكى ىستەر ءمينيسترى ق. قاسىموۆ، قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى ق. قوجامجاروۆ؛
II دارەجەلى «داڭق» وردەنىمەن قازاقستان رەسپۋبليكاسى باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ كوميتەتىنىڭ ءتورايىمى س. ايتپايەۆا، قازاقستان رەسپۋبليكاسى قورعانىس مينيسترلىگى «شىعىس» وڭىرلىك قولباسشىلىعى اسكەرلەرىنىڭ قولباسشىسى م. بەكتانوۆ ماراپاتتالدى.
قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى - تۇڭعىش پرەزيدەنت - ەلباسىنىڭ قاۋىپسىزدىگى قىزمەتىنىڭ باستىعى ا. اشىمبەك ۇلى، قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتى ارالاس اۆياتسيالىق ەسكادريلياسىنىڭ كومانديرى ۆ. لوباچيەۆ Ⅱدارەجەلى «ايبىن» وردەنىن كەۋدەسىنە تاقتى.
«ەرلىگى ءۇشىن» مەدالىنە قازاقستان رەسپۋبليكاسى ىشكى ىستەر مينيسترلىگى توتەنشە جاعدايلار كوميتەتى استانا قالاسى توتەنشە جاعدايلار دەپارتامەنتى № 1 ءورت ءبولىمى بولىمشەسىنىڭ كومانديرى ر. مۋسين؛
«جاۋىنگەرلىك ەرلىگى ءۇشىن» مەدالىنە قازاقستان رەسپۋبليكاسى قورعانىس مينيسترلىگى 97617 اسكەري ءبولىمى بايلانىس تورابىنىڭ سەرجانت- نۇسقاۋشىسى ر. سۋحانوۆ يە بولدى.
ادەبيەت پەن ونەر سالاسىنداعى 2014 - جىلعى قازاقستان رەسپۋبليكاسىنىڭ مەملەكەتتىك سىيلىعى جازۋشى ق. مۇحانبەتقالي ۇلىنا «تار كەزەڭ» تاريحي رومانى ءۇشىن؛ اقىن گ. سالىقبايەۆاعا «كەشىرىڭدەر كەلگەنىمدى ومىرگە» ولەڭدەر جيناعى ءۇشىن؛ ءانشى پ. كەسوگلۋگە «پەسنيا - دۋشا مويا» جەكە كونسەرتى ءۇشىن؛ كومپوزيتور ب. قىدىربەككە «رەكۆيەم» ۆوكالدى- سيمفونيالىق شىعارماسى ءۇشىن، اۆتورلار ۇجىمى - اسقار يسابەك ۇلى مىرزاحمەتوۆكە، باقىتجان قۇدايبەرگەن ۇلى اشىربايەۆقا، ناسير اچيلوۆيچ رۋستاموۆقا، ءامىرحان بەكجان ۇلى شۇمەنوۆكە، نۇرلىجان ماراتبەك ۇلى بوكەبايەۆقا قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارنالعان تاريحي- مونۋمەنتالدىق ساياباق كەشەنى ءۇشىن بەرىلدى.