قىتايلىق ب ا ق-قا شولۋ: قازاقستان مەن قىتاي - ۇلى جىبەك جولىن قايتا جاڭعىرتقان ەلدەر
«كەلىسىمدەردىڭ جالپى سانى 14 ميلليارد دوللاردى قۇرايدى، بۇل مەنىڭ بارلىق شەتەلدىك ساپارلارىم كەزەڭىندەگى ەڭ اۋقىمدى ناتيجەلەردىڭ ءبىرى. مۇنداي كورسەتكىشتەر ەلدەر اراسىنداعى كووپەراتسيانىڭ كەڭدىگى مەن جوعارى دەڭگەيدە ەكەندىگىن كورسەتەدى»، - دەپ ويىن بىلدىرەدى مەملەكەتتىك كەڭەس پرەمەرى لي كىشياڭ «چاينا دەليدە».
«چاينا دەيلي» قىتاي حالىقارالىق زەرتتەۋ ينستيتۋتىنىڭ ۆيتسە-پرەزيدەنتى جۋاڭ زۇڭجىنىڭ ءسوزىن كەلتىرەدى: «استانا تاياۋدا ەل ەكونوميكاسىنا ينفراقۇرىلىم نىساندارىنا ينۆەستيتسيانى ىنتالاندىرۋ ءۇشىن ميللياردتاعان دوللار قارجى قۇياتىنىن مالىمدەدى، قىتايدىڭ كولىك جانە ونەركاسىپ سالالارىن جاڭعىرتۋى قازاقستاننىڭ سۇرانىستارىنا سايكەس كەلەدى».
شياڭگاڭ «فەنيكس» تەلەارناسىنىڭ بەينە سيۋجەتىندە قازاقستانمەن دوستاستىق بايلانىستاردى دامىتۋ قىتاي ساياساتىنىڭ ماڭىزدى باسىمدىقتارىنىڭ ءبىرى بولىپ تابىلاتىنى ايتىلدى.
«جىبەك جولى» مەن «نۇرلى جول» - ەكى باعدارلاما ءبىر-ءبىرىن تولىقتىرىپ، ەل اراسىنداعى ىنتىماقتاستىقتى تەرەڭنەن دامىتۋعا ىقپال ەتەدى»، - دەگەن ق ر پرەمەر-ءمينيسترى كارىم ءماسىموۆتىڭ ءسوزىن كەلتىرەدى «فەنيكس».
«شينحۋا» اگەنتتىگى «جىبەك جولى ەكونوميكالىق بەلدەۋىن» سالۋ تۋرالى قىتايلىق تۇجىرىمدامانىڭ ەرەجەلەرى قازاقستاننىڭ «نۇرى جول» جاڭا ەكونوميكالىق ساياساتىمەن ۇندەس ەكەنىن اتاپ وتەدى. بۇل ەكىجاقتى قاتىناستاردى نىعايتۋدىڭ جاڭا مۇمكىندىكتەرىنە جول اشادى.
«ەۋروپا مەن ازيانىڭ تۇيىسكەن جەرىندە ورنالاسقان قازاقستان گەوگرافيالىق باسىمدىعىن پايدالانا وتىرىپ، ءوز ءونىمىنىڭ ەكسپورتتىق ارنالارىن كەڭەيتۋ ءارى تەڭىزگە جول اشۋدى قامتاماسىز ەتۋ ءۇشىن ترانزيتتىك تاسىمالداۋلاردى بەلسەندى دامىتۋدا جانە بۇل باعىتتا باعىندىرعان شىڭدارى از ەمەس» ، - دەپ جازادى «شينحۋا».
قىتايلىق- قازاقستاندىق قارىم- قاتىناستار دامۋدىڭ جاقسى ءۇردىسىن ساقتاپ قالۋدا، ەكى ەل دە قاۋىپسىزدىك، ەكونوميكا، ساۋدا جانە گۋمانيتارلىق بايلانىستار سالاسىنداعى ىنتىماقتاستىقتا ەلەۋلى تابىستارعا قول جەتكىزدى، دەپ جازادى «جەنمينۆان» سايتى.
«لي كىشياڭنىڭ ساپارى قىتايلىق تاراپتىڭ ەكى ەل اراسىنداعى دوستىق قارىم-قاتىناستارعا ۇلكەن كوڭىل ءبولۋىن كورسەتەدى. ىنتىماقتاستىق بويىنشا قۇجاتتاردىڭ اۋقىمدى توپتاماسىنا قول قويۋ قازاقستاندىق ەكونوميكانىڭ دامۋىنا جاڭا سەرپىن بەرەدى»، - دەپ ءبولىستى پىكىرىمەن ش ۇ ى زەرتتەۋ بويىنشا ورتالىعىنىڭ ديرەكتورى شەن شيليان.
يادرولىق ونەركاسىپ، مينەرالدى رەسۋرستار، ينفراقۇرىلىمدى جاڭعىرتۋداعى ىنتىماقتاستىقتى تەرەڭدەتۋ بويىنشا قول قويىلعان قۇجاتتارمەن بىرگە قىتايلىق باق ءۇش جىلدىق مەرزىمگە جالپى سوماسى 1 ميلليارد تەڭگەنى قۇرايتىن ۆاليۋتالىق سۆوپ تۋرالى قۇجاتقا قول قويىلۋىنا نازار اۋداردى.