قازاق تىلىنە بايلانىستى جاڭا «سىلتاۋ» قانشالىقتى ورىندى؟
بۇرىندارى وزگە ەتنوس وكىلدەرى "وقۋلىق جوق، مۇعالىم جوق" دەپ زارلايتىن.
قازىر جاڭا سىلتاۋ پايدا بولىپتى.
ونىسى "مەن قازاق ءتىلىن وقىعىم كەلەدى، قازاق تىلىندە سويلەگىم كەلەدى. ءبىراق، قازاقشا سويلەي باستاسام، قازاقتار مەنى قولداۋدىڭ ورنىنا ماعان كۇلە قارايدى. سوندىقتان وقيمىن، سويلەيمىن دەگەن قۇلقىم جويىلدى، ازايدى" دەگەنگە سايادى.
وسىمىز راس پا؟ ءبىز شىنىمەن دە وزگە ەتنوس وكىلدەرىنىڭ قازاقشا سويلەگەنىنە كۇلىپ قارايمىز با؟ ولاردى ىشكە تارتىپ، قولداي المايمىز با؟
وسى "سىلتاۋ" قانشالىقتى ورىندى؟ جاي سىلتاۋ ما، الدە ومىردە كورىنىسى بار دۇنيە مە؟
مەنىڭ ويىمشا، كەرىسىنشە، وزگە ەتنوس وكىلدەرى قازاقشا سويلەي باستاسا، ەڭ بولماسا قازاقشا ءۇش-ءتورت سويلەم ايتسا، قازاقتىڭ ءىشى جىلىپ، مەيىرلەنە تۇسەتىن سياقتى.
مۇنىڭ تالاي مىسالىن كوردىم ومىردەن. ءوزىم تالاي ادامعا قولىمنان كەلگەنشە قول ۇشىن بەرىپ وتىرامىن، سۇراقتارىنا ەجىكتەپ جاۋاپ بەرەمىن. وزگەنى قازاقشا دۇرىس ايتپادىڭ دەپ قورلاعانىم جوق.
قالاي ويلايسىزدار؟
ايدوس سارىم
«تۇركىستان»