الماتى وبلىسىنىڭ ءۇش جىلدىق بيۋدجەتى بەكىتىلدى
وبلىستىڭ الداعى جىلدارعا ارنالعان كىرىس-شىعىسى جونىندە وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ءنافيسا ساتىبالدينا بايانداما جاسادى.
جاڭا بيۋدجەتتى جاساۋ بارىسىندا نەگىزىنەن ۇدەمەلى يندۋستريالدى- يننوۆاتسيالىق دامۋ، ءبىلىم بەرۋدى دامىتۋ، «سالاماتتى قازاقستان»، وڭىرلەردى دامىتۋ باعدارلامالارىنا باسىمدىق بەرىلگەن.
وبلىس بيۋدجەتىنىڭ الداعى ءۇش جىلداعى شىعىسىنا 1006,3 ميلليارد تەڭگە جۇمساۋ جوسپارلانعان. ونىڭ ىشىندە، كەلەسى جىلى ءبىلىم بەرۋ مەن دەنساۋلىق ساقتاۋ، جۇمىسپەن قامتۋ، الەۋمەتتىك ءالجۋاز توپتارعا قولداۋ كورسەتى ىسىنە بولىنەتىن قاراجات كولەمى قوماقتى.
سول سياقتى اۋىل شارۋاشىلىعىندا مال، وسىمدىك، تۇقىم شارۋاشىلىقتارىن دامىتۋعا، ەگىس ناۋقانىنان جانار-جاعار ماي قۇنىن ارزانداتۋعا، باسقا دا باعىتتارىنا ەداۋىر قارجى قاراستىرىلماق.
سونىمەن قاتار كوممۋنالدىق سالالارعا، جول جوندەۋ، اۋىز سۋ تارتۋ، قۇرىلىس، تۋريزم، تاعى باسقا سالالارعا دا جەتكىلىكتى كوڭىل بولىنەتىن بولادى.
«كەلەسى جىلى ۇلى جەڭىسكە 70 جىل تولادى. بۇگىنگى كۇنى ولىستا نەبارى 390 عا جۋىق ارداگەر بار. وسى مەرەيلى مەرەكە قارساڭىندا سوعىس ارداگەرلەرىن تۇرعىن ۇيمەن قامتاماسىز ەتۋگە ەرەكشە ءمان بەرۋىمىز كەرەك»، - دەدى وبلىس اكىمى اماندىق باتالوۆ.
سونىمەن قاتار ءوڭىر باسشىسى ءسوزىنىڭ قورىتىندىسىندا تەكەلى قالاسىنىڭ، وبلىس ورتالىعى تالدىقورعاننىڭ بۇگىنگى دامۋى، بيۋدجەتتىڭ دوتاتسيا بولىگىن تومەندەتۋ، سالىق بازاسىن ۇلعايتۋ، يەسىز جاتقان سۋارۋ جۇيەلەرىن رەتكە كەلتىرۋ، ءتۋريزمدى دامىتۋ سەكىلدى ماڭىزدى ماسەلەلەرگە دە توقتالىپ ءوتتى.
جيىن سوڭىندا قازاقستان رەسپۋبليكاسى ءماسليحاتتارىنىڭ قۇرىلعانىنا 20 جىل تولۋىنا وراي ءبىرقاتار دەپۋتاتتاردى ق ر پارلامەنتى سەناتى مەن ءماجىلىسىنىڭ قۇرمەت گراموتالارىمەن، العىس حاتتارىمەن، اتاۋلى مەدالدارىمەن ماراپاتتالدى.