قازاقستان مەن قىتاي ەلىمىزدە قازىرگى زامانعا ساي كومىرحيميا ونەركاسىبىن دامىتۋعا كەلىستى

استانا. قازاقپارات - بۇگىن استانادا ق ر پرەمەر-ءمينيسترى كارىم ءماسىموۆ پەن ق ح ر مەملەكەتتىك كەڭەسىنىڭ پرەمەرى لي كىشياڭنىڭ قاتىسۋىمەن بولعان قازاقستان-قىتاي ىسكەرلىك كەڭەسىنىڭ وتىرىسى بارىسىندا قازاقستان رەسپۋبليكاسىندا كومىردى كەشەندى قايتا وڭدەۋ جوباسىن جۇزەگە اسىرۋ تۋرالى كەلىسىم بەكىتىلدى.

«قازمۇنايگاز- قايتا وڭدەۋ جانە ماركەتينگ» ا ق مەنChina Kingho Energy Group, « اربات ب ك» ج ش س جانە «رازرەز «كۋزنەتسكيي» ج ش س اراسىنداعى اتالعان كەلىسىم قازاقستاندا قازىرگى زامانعا ساي كومىرحيميا ونەركاسىبىن دامىتۋدى كوزدەيدى.

سونىمەن قاتار ديزەل وتىنى، سينتەتيكالىق تابيعي گاز بەن مۇناي-حيميا سالاسىنىڭ وزگە دە ونىمدەرىن شىعاراتىن كاسىپورىن قۇرۋ قاراستىرىلعان.

كەلىسىم شارتتارىنا سايكەس تاراپتار جوعارىدا اتالعان وندىرىسكە ينۆەستيتسيا قۇيىپ، ونى جوسپارلاپ، قۇرلىسىن جۇرگىزىپ، ىسكە قوساتىن كومپانيا قۇرۋعا مۇددەلى.

اۆتور: رۋسلان عابباسوۆ