س ق و اكىمى قازاق تىلىندەگى سۇراقتى تۇسىنە الماي ماسقارا بولدى

استانا. قازاقپارات - اكىمدەردىڭ ىشىندە انا ءتىلىن تۇسىنبەيتىندەرى دە بار.

6 - جەلتوقساندا استاناداعى ورتالىق كوممۋنيكاتسيالار قىزمەتىنىڭ مىنبەرىنەن سولتۇستىك قازاقستان وبلىسىنىڭ اكىمى ەرىك سۇلتانوۆ ەسەپ بەردى دەپ جازادى "جاس قازاق" گازەتى.

ول بايانداماسىنىڭ ءار جەرىندە قازاقشا سويلەگەن. سۇراق-جاۋاپقا كەزەك كەلگەندە سۇلتانوۆ "قاتتى تۇرمىستىق قالدىق" دەگەن ءسوزدى تۇسىنبەي، ماسقارا بولدى.

اقيقاتىن راستاۋ ءۇشىن Baq.kz ءتىلشىسى ايا ءومىرتاي مەن ەرىك سۇلتانوۆتىڭ اراسىنداعى ديالوگتى قاز-قالپىندا كەلتىرەلىك:

- سولتۇستىك قازاقستانداعى قاتتى تۇرمىستىق قالدىقتاردىڭ كولەمى قانداي جانە قانشاسى قايتادان وڭدەلدى؟

- ءبىرىنشى سۇراق تۇرعىن ءۇي دەپ ايتتىڭىز با؟..

- جوق. قاتتى تۇرمىستىق قالدىقتاردى قايتا وڭدەۋ جانە ونىڭ كولەمى؟

- تاعى دا؟..

- قاتتى تۇرمىستىق قالدىقتار.

- يا نە سلىشۋ نەمنوجكو.

- وڭىردەگى تۇرمىستىق قالدىقتار.

- سىرتقا شىعايىن. سىزگە سوسىن جاۋاپ بەرەمىن!

ەرىك حامزا ۇلى كەيبىر ساۋالدارعا قازاقشا جانە ورىسشا ەكى تىلدە جاۋاپ بەرگەن.

"جاس قازاقتىڭ": "وبلىستا ەلباسىنىڭ قاتىسۋىمەن اشىلىپ، قازىر جۇمىس ىستەمەي تۇرعان قانشا كاسىپورىن بار؟" دەگەن ساۋالىنا ول: "ەلباسى اشقان كاسىپورىنداردىڭ ءبارى جۇمىس ىستەپ تۇر" دەپ تاڭدايىن تاقىلداتتى.

ال "ويل نيۋس" ءتىلشىسىنىڭ وسىنداي ساۋالىنا: "بۇل ماسەلەگە تالداۋ جاسادىق. بىزدە بىرنەشە جىل توقتاپ تۇرعان، جاقسى جابدىقتالعان، قۋاتى زور 22 كاسىپورىن بار. جەتەۋىن ىسكە قوستىق. سولاردىڭ ءبىرى 5  جىل تۇرعان "بيوحيم" 2015 - جىلدىڭ ءبىرىنشى جارتىسىندا جۇمىسىن باستايدى" دەپ جاۋاپ قايىرعان.

 NUR. KZ