التاي قازاقتارى اتا-بابا سالتىنان نەگە باس تارتتى؟
11:26, 23 - تامىز 2021
نۇر-سۇلتان. قازاقپارات - رەسەيدەگى التاي رەسپۋبليكاسىنىڭ مۇسىلماندارى ەڭ كوپ شوعىرلانعان قوس اعاش اۋىلىندا جەرگىلىكتى ءمۇفتي جانبولات وقتاۋبايەۆ ولىك جونەلتۋدەگى ىسىراپشىلدىققا توقتالىپ، ۋاعىز ايتتى.
اتا-بابا ءداستۇرى بويىنشا التاي قازاقتارى مارقۇمدى اقتىق ساپارعا شىعارىپ سالاردا مىندەتتى تۇردە جىلقى سوياتىنىن تىلە تيەك ەتىپ، مۇنىڭ ءوزى قايعىدان قان جۇتىپ وتىرعان قارالى ۇيگە سالماق سالاتىنىن ايتىپ ءوتتى.
سونداي-اق، ول مارقۇمدى جەرلەۋگە الىپ كەتكەن كەزدە ونىڭ ارتىنان ايەلدەردىڭ ساي-سۇيەكتى سىرقىراتىپ جوقتاۋ ايتاتىنىن، مۇنىڭ ءوزى يسلامعا جات ادەت ەكەنىنە توقتالدى. بۇل ادەتتەن بىردەن بولماسا دا، بىرتە-بىرتە باس تارتۋدىڭ قاجەتتىلىگىن ايتتى.