ق ر سىرتقى ىستەر ءمينيسترى ەرلان ىدىرىسوۆ ا ق ش مەملەكەتتىك حاتشىسى دجون كەرريمەن كەزدەستى
كەزدەسۋگە دەيىن اقش- تىڭ مەملەكەتتىك حاتشىسى دج. كەرري قازاقستاندى الداعى تاۋەلسىزدىك مەرەكەسىنىڭ 23-جىلدىعىمەن قۇتتىقتاپ، ەكىجاقتى ىنتىماقتاستىقتىڭ كەڭ سپەكترىن اتاپ ءوتتى.
- قۇراما شتاتتار مەن قازاقستان اراسىنداعى بايلانىس ءبىز ءۇشىن ايماقتاعى ماڭىزدى قارىم- قاتىناس جانە ءبىز قازاقستانعا، تانىتقان كوشباسشىلىعى ءۇشىن العىس بىلدىرەمىز، - دەدى. دج. كەرري.
دج. كەرري 1000 اۋعان ازاماتىن بەيبىت كاسىپتەرگە وقىتۋ بويىنشا جۇزەگە اسىرىپ وتىرعان قازاقستان باعدارلاماسىنىڭ ماڭىزدى ەكەنىن ايتىپ، ونى اۋعانستانداعى مەملەكەتتىك قۇرىلىم مەن تۇراقتىلىقتىڭ ماڭىزدى قۇرامى ەكەنىن اتاپ ءوتتى.
كەلىسسوز بارىسىندا ا ق ش مەملەكەتتىك حاتشىسى دج. كەرري قازاقستاننىڭ نىعايىپ كەلە جاتقان تەڭگەرىمدى سىرتقى ساياساتى مەن ستراتەگيالىق ارىپتەستىگىن جوعارى باعالاپ، ەكسپو-2017 حالىقارالىق كورمەسىنىڭ وتۋىنە قولداۋ تانىتتى.
ول ا ق ش- تىڭ قازاقستاننىڭ دۇنيەجۇزىلىك ساۋدا ۇيىمىنا (د س ۇ) تەزىرەك ەنۋىنە كومەك كورسەتۋگە نيەتتى ەكەنىن جەتكىزدى.
كەزدەسۋدە تاراپتار حالىقارلىق كۇن تارتىبىندەگى ماڭىزدى ماسەلەلەردى تالقىلادى.
ق ر س ءى م باسشىسى قازاقستاننىڭ لاڭكەستىك جانە ەكسترەميزممەن كۇرەستەگى بەرىك ۇستانىمىن تانىتىپ، لاڭكەستەردىڭ ءوز ماقسات- مۇددەلەرى ءۇشىن ءدىن اتىن پايدالاناتىنىنا قارسى ەكەندىگىن جەتكىزدى.
كەزدەسۋدە ۋكراينا جانە ونىڭ ماڭىنداعى جاعداي ءسوز بولدى. ە. ىدىرىسوۆ اتالعان مەملەكەتتە ۇزاققا سوزىلعان شيەلەنىس پەن سانكسيالىق ساياساتتى قولدانۋ جانە جالپى العاندا، قازاقستاننىڭ نەگىزگى سەرىكتەستەرىنىڭ اراسىندا ناشارلاپ وتىرعان قارىم- قاتىناسقا الاڭداۋشىلىعىن ءبىلدىردى. كەزدەسۋدە ۋكراينداعى جاعدايدى بەيبىت جولمەن شەشۋدىڭ ماڭىزدىلىعى ايتىلدى.
كوميسسيا وتىرىسىنىڭ قورىتىندىسى بويىنشا تاراپتار عالامدىق پروبلەمالاردى شەشۋگە بايلانىستى ارىپتەستىك، دەموكراتيا، ادام قۇقىقتارى، ساۋدا، ينۆەستيتسيا جانە ەنەرگەتيكا، اۋعانستان جانە ايماقتاعى ينتەگراتسيا، قاۋىپسىزدىك پەن قۇقىق قورعاۋ سالاسىنداعى ىنتىماقتاستىق، سونداي- اق ەكسپو-2017 سياقتى ماسەلەلەرگە قاتىستى بىرلەسكەن مالىمدەمە جاسادى.