فرانسيادا اسكەري ۇشاق مۇگەدەكتەر ورتالىعى عيماراتىنا قۇلادى

استانا. قازاقپارات - فرانسيادا اسكەري اۋە كۇشتەرىنىڭ ۇشاعى مۇگەدەكتەرگە كومەك كورسەتۋ ورتالىعىنىڭ عيماراتىنا قۇلادى.

Alphajet وقۋ-جاتتىعۋ ۇشاعى تۋر قالاسىنداعى اۆيابازادان ۇشىپ شىققان.

اپات سالدارىنان ءبىر ادام اجال قۇشىپ، كەمىندە ءۇش ادام ءتۇرلى جاراقاتتار العان. وقيعا ۆۋۆرە اۋدانىنىڭ ماڭىندا ورىن العان.

باسىلىمنىڭ حابارلاۋىنشا، اپات ورىن العان ساتتە ۇشاقتا ەكى ادام بولعان. تەحنيكالىق اقاۋلاردىڭ تۋىنداۋى سەبەپتى ۇشقىش پەن ونىڭ قاسىنداعى نۇسقاۋشى ۇشاقتان سەكىرىپ ۇلەرگەن. ال زارداپ شەككەندەر - اتالمىش ورتالىق عيماراتىندا سول ۋاقىتتا بولعان ادامدار، دەپ حابارلايدى La Nouvelle Republique.