قىتايدا قازاقستاننىڭ تاۋەلسىزدىگى كۇنى اتاپ ءوتىلدى - فوتو
شاراعا شامامەن 400 دەي ادام قاتىستى، ولاردىڭ ىشىندە قىتاي ديپلوماتيالىق كورپۋسىنىڭ، حالىقارالىق ۇيىمدارىنىڭ، بيزنەسىنىڭ جانە ساراپشىلار قاۋىمىنىڭ وكىلدەرى، سونداي-اق ق ح ر-دا تۇراتىن قازاقستاندىق ازاماتتار (ۇلتتىق كومپانيالار قىزمەتكەرلەرى، ستۋدەنتتەر ت. س. س.) بولدى.
شارانى قازاقستاننىڭ قىتايداعى ىستەرىنىڭ ۋاقىتشا سەنىمدى وكىلى راقىمجان راحىموۆ اشتى. ال قىتايلىق تاراپتان ق ح ر سىرتقى ىستەر ءمينيسترىنىڭ ورىنباسارى چەن گوپين ءسوز سويلەدى.
«قازاقستان تاۋەلسىزدىگىن جاريالاعان 23 جىلدان بەرى ەلباسى نۇرسۇلتان نازاربايەۆتىڭ باسشىلىعىمەن بۇل ەلدە ساياسي تۇراقتىلىقتىڭ، ەكونوميكاسىنىڭ تۇراقتى ءوسىمىنىڭ، حالقىنىڭ يگىلىگىنىڭ ارتۋىنىڭ بايقالۋى قۋانتادى. قازاقستان قىتايدىڭ ستراتەگيالىق ارىپتەسى بولىپ تابىلادى. ەكى ەل اراسىنداعى بايلانىستار ەڭ جوعارعى دەڭگەيدە قولدالۋدا»، - دەدى ول ءوزىنىڭ قۇتتىقتاۋ سوزىندە.
قىتاي نارىعىنا جىبەرۋ جوسپارلانىپ وتىرعان قازاقستاندىق شاراپ ونىمدەرى («Arba Wine»، الماتى وبلىسى) مەن بال ونىمدەرىن («پاسەكا» ش ق، شىعىس قازاقستان وبلىسى) تانىستىرۋ وسى شارانىڭ باستى ەرەكشەلىگىنە اينالدى.
ەستەرىڭىزگە سالا كەتەيىك، اعىمداعى جىلدىڭ 19 - قاراشاسىندا ق ح ر مەن وعان قوسىمشا ك ح د ر- داعى ق ر توتەنشە جانە وكىلەتتى ەلشىسى نۇرلان ەرمەكبايەۆ مەملەكەت باسشىسىنىڭ جارلىعىمەن پرەزيدەنت كومەكشىسى - قازاقستان رەسپۋبليكاسىنىڭ قاۋىپسىزدىك كەڭەسىنىڭ حاتشىسى بولىپ تاعايىندالدى.
كۇنى بۇگىنگە دەيىن ديپلوماتيالىق وكىلدىك باسشىسى رەتىندە ونىڭ ورنىن باساتىن ۇمىتكەر انىقتالعان جوق.