قازاقستان كايردىڭ كەدەندىك وداق ەلدەرىنىڭ ەركىن ساۋدا ايماعىنا كىرۋ نيەتىن قولدايدى - ەلباسى
13:33, 10 - جەلتوقسان 2014
استانا. قازاقپارات - قازاقستان كايردىڭ كەدەندىك وداق ەلدەرىنىڭ ەركىن ساۋدا ايماعىنا كىرۋ نيەتىن قولدايدى. بۇل تۋرالى بۇگىن اقوردادا قازاقستانداعى توتەنشە جانە وكىلەتتى ەلشى بولىپ تاعايىندالعان ءبىرقاتار شەتەلدىك ديپلوماتتان سەنىم گراموتاسىن قابىلداعان ەلباسى نۇرسۇلتان نازاربايەۆ ايتتى.
«ەگيپەت اراب رەسپۋبليكاسىمەن ىقپالداستىقتى جانداندىرۋدى كوزدەيمىز. كايردىڭ كەدەندىك وداق ەلدەرىنىڭ ەركىن ساۋدا ايماعىنا كىرۋ نيەتىن قۇپتايمىز. بۇل قادام ساۋدا- ەكونوميكالىق قارىم- قاتىناستاردى دامىتۋعا سەرپىن بەرەتىندىگىنە سەنىمدىمىن»، - دەدى ق ر پرەزيدەنتى.