ن. نازاربايەۆ شەتەل ەلشىلەرىنىڭ سەنىم گراموتالارىن قابىلدادى- فوتو
اتاپ ايتقاندا، ق ر پرەزيدەنتىنە يتاليانىڭ توتەنشە جانە وكىلەتتى ەلشىسى ستەفانو راۆانيان، شۆەتسيا ەلشىسى كريستيان كاميلل، چەح ەلشىسى ەليشكا جيگوۆا، ليتۆا ەلشىسى ۆيتاۋتاس ناۋدۋجاس، مىسىر ەلشىسى حايسام سالاح كامەل يبراگيم، ءۇندىستان ەلشىسى حارش كۋمار دجاين، ماكەدونيا ەلشىسى يليا پساۋكيروۆ، قىتاي ەلشىسى چجان حانحۋەي سەنىم گراموتاسىن تابىس ەتتى.
«سىزدەردى ديپلوماتيالىق ميسسيالارىڭىزدىڭ رەسمي تۇردە باستالۋىمەن قۇتتىقتايمىن. بۇگىنگى كەزدەسۋ ەلىمىز ءۇشىن اسا ماڭىزدى كۇن تاۋەلسىزدىگىمىزدىڭ 23 جىلدىعى قارساڭىندا ءوتىپ وتىر. ءبىز وسى قىسقا مەرزىمدە مەملەكەتىمىزدىڭ بەرىك نەگىزىن قالادىق. زاماناۋي ەكونوميكا، ورنىقتى ساياسي جۇيە، ساليقالى ازاماتتىق قوعام ورناتتىق. ءبىز ىشكى تۇراقتىلىقتى، قوعامدىق كەلىسىمدى قارقىندى ەكونوميكالىق ءوسىم ارقىلى قامتاماسىز ەتتىك»، - دەدى مەملەكەت باسشىسى شەتەل ديپلوماتتارىنىڭ سەنىم گراموتالارىن قابىلداعاننان كەيىن. سونىمەن قاتار ق ر پرەزيدەنتى سىرتقى ساياسي ۇستانىم ايقىندىعى مەن ەلىمىزدىڭ حالىقارالىق بەدەلىنىڭ كوتەرىلگەنىن باسا ايتتى.