بەيجىڭدە ەنەرگەتيكالىق ىنتىماقتاستىق بويىنشا قازاقستان- قىتاي ىشكى كوميتەتىنىڭ بۇرىنعى تەڭ ءتوراعاسىن سوتتادى

 بەيجىڭ. قازاقپارات - ق ح ر- دىڭ دامۋ جانە رەفورمالار بويىنشا مەملەكەتتىك كوميتەتى جەتەكشىسىنىڭ ورىنباسارى ليۋ تەنان ءومىر بويىنا باس بوستاندىعىنان ايىرىلۋ جازاسىنا كەسىلدى.

60 جاستاعى بۇرىنعى جوعارى قىزمەتتەگى شەنەۋنىك 2002-2012 - جىلدار ارالىعىنداعى كەزەڭدە 35,5 ميلليون يۋان كولەمىندە پارا العانى ءۇشىن ايىپتى دەپ تانىلدى.

ليۋ تەناندى قىزمەتىنەن بوساتۋ تۋرالى شەشىم وتكەن جىلى تانىمال قارجىلىق «تسايتسزين» باسىلىمىنداعى جاريالانىمنان كەيىن قابىلداندى. وندا ونىڭ قىزمەتتىك بابىن وتباسىنىڭ پايداسىنا اسىرعاندىعى تۋرالى ماتەريال جاريالانعان.

ليۋ تەنان دامۋ مەن رەفورمالار بويىنشا مەملەكەتتىك كوميتەتى باسشىسىنىڭ ورىنباسارى قىزمەتىنە 2008 - جىلى تاعايىندالدى. 2010 - جىلدىڭ جەلتوقسانىنان 2013 - جىلدىڭ ناۋرىزىنا دەيىن ول ق ح ر مەملەكەتتىك ەنەرگەتيكالىق باسقارماسىن باسقاردى.

سونىمەن بىرگە، ول ق ر- مەن ەنەرگەتيكالىق ماسەلەلەر بويىنشا كەلىسسوزدەر جۇرگىزۋگە قاتىستى، ەنەرگەتيكا سالاسىندا ىنتىماقتاستىق بويىنشا قازاقستان- قىتاي پودكوميتەتىنىڭ 5 - وتىرىسىنا تەڭ ءتوراعالىق ەتتى.