قازاقستان ەلشىسى ءۇندىستان پرەزيدەنتىنە سەنىم گراموتالارىن تابىس ەتتى
10:46, 10 - جەلتوقسان 2014
استانا. قازاقپارات - كەشە قازاقستاننىڭ ءۇندىستانداعى توتەنشە جانە وكىلەتتى ەلشىسى بولات سارسەنبايەۆ ءۇندىستان رەسپۋبليكاسىنىڭ پرەزيدەنتى پراناب مۋكەردجيگە سەنىم گراموتالارىن تاپسىردى، دەپ حابارلادى ق ر س ءى م باسپا ءسوز قىزمەتى.
گراموتا تاپسىرۋ راسىمىنەن كەيىن وتكەن قىسقا كەزدەسۋدە قازاقستاندىق ەلشى پ. مۋكەردجيگە قازاقستاننىڭ ۇندىستانمەن ستراتەگيالىق ارىپتەستىكتى ودان ءارى نىعايتۋ مۇددەسىن جەتكىزدى.
سونىمەن قاتار، ب. سارسەنبايەۆ ءۇندىستان پرەزيدەنتىنە ەلباسى ن. نازاربايەۆتىڭ بيىلعى 11- قاراشادا جاريالانعان «نۇرلى جول - بولاشاققا باستار جول» اتتى جولداۋىنىڭ نەگىزگى قاعيدالارىمەن تانىستىرىپ، وسى جولداۋدىڭ ەلىمىزدىڭ بولاشاعىن ايقىنداۋداعى ەرەكشە ءرولى تۋرالى ايتتى.
ءوز كەزەگىندە پرەزيدەنت پ. مۋكەردجي ق ر پرەزيدەنتى ن. نازاربايەۆقا ءوزىنىڭ شىن تىلەگىن ءبىلدىرىپ، ەكىجاقتى ىنتىماقتاستىقتى ودان دا ءارى دامىتۋ بويىنشا بىرلەسكەن جۇمىسقا دايىندىعىن ءبىلدىردى.